काठमाडौं । हिमाल दोलखा हाइड्रोपावर कम्पनी लिमिटेडले आजदेखि हकप्रद सेयर निष्कासन गरेको छ । कम्पनीले हाल कायम चुक्तापुँजीको आधारमा एक बराबर ०.७५ अनुपातमा हकप्रद सेयर निष्कासन गरेको हो ।

कम्पनीले उक्त अनुपातमा प्रतिसेयर १०० रुपैयाँअंकित मूल्यका एक करोड २० लाख कित्ता हकप्रद सेयर निष्कासन गरेको छ । योग्य आवेदकले आउँदो असार १० गतेसम्म आवेदन दिन सक्नेछन् ।

कम्पनीले हकप्रद सेयर निष्कासन प्रयोजनका लागि गएको वैशाख २७ गते ‘बुक क्लोज’ गरेको थियो । यसको आधारमा वैशाख २६ गतेसम्म कायम सेयरधनीले मात्र सेयर खरिदका लागि आवेदन दिन सक्नेछन् ।

कम्पनीको हकप्रद सेयर निष्कासन तथा बिक्री प्रबन्धक लक्ष्मी क्यापिटल मार्केट लिमिटेड रहेको छ । हाल कम्पनीको चुक्तापुँजी एक अर्ब ६० करोड रुपैयाँ छ ।