विराटनगर । कोसी प्रदेशको राजधानी विराटनगरमा अवस्थित विमानस्थललाई क्षेत्रीय स्तरको बनाइने भएको छ ।

आगामी आर्थिक वर्ष २०८०/०८१ को बजेट प्रस्तुत गर्दै अर्थमन्त्री डा. प्रकाशशरण महतले विराटनगर विमानस्थललाई क्षेत्रीय विमानस्थलको रुपमा विकास गरिने घोषणा गरेका हुन् ।

अर्थमन्त्री महतले विराटनगर विमानस्थललाई क्षेत्रीय स्तरमा विस्तार गरिने बताएका हुन् । यो विमानस्थललाई क्षेत्रीयस्तरको बनाउन जनस्तरबाट विगत लामो समयदेखि माग हुँदै आएको थियो ।

यसअघि, जग्गा अधिग्रहणको कार्य अघि बढाउन सुरु गरिएको प्रक्रियाबाट सरकार पछि हटेर रोक्का भएको जग्गा फुकुवा गरिदिएको थियो । विराटनगर विमानस्थलको नयाँ टर्मिनल भवन निर्माणको कार्य भने जारी छ ।