विराटनगर । अर्थमन्त्री डा. प्रकाशशरण महतले प्रस्तुत गरेको बजेटमा कोसी प्रदेशमा केही ठूला आयोजनामा सरकारले बजेट विनियोजन गरेको छ ।
आगमी आर्थिक वर्ष २०८०/०८१ को लागि अर्थमन्त्री महतले प्रस्तुत गरेको बजेटमा कोसी प्रदेशमा महत्वपूर्ण मानिएका केही ठूला आयोजनाका लागि बजेट विनियोज गरेका हुन् ।
कोसी करिडोरको लागि ८० करोड बजेट विनियोजन भएको छ । यसैगरी पूर्व–पश्चिम राजमार्गलाई चार लेन बनाउने कार्यलाई तीब्रता दिन झापाको काँकरभिट्टादेखि सुनसरीको लौकहीसम्मको सडकखण्डको स्तरोन्नति गरिने भएको छ । मध्यपहाडी लोकमार्गअन्तर्गत पाँचथर खण्डको सडक निर्माण गरिने अर्थमन्त्रीले महतले जनाएका छन् ।
यसैगरी मदन भण्डारी सडक अन्तर्गत इलाम सुनसरी खण्डको सडक निर्माणसमेत अघि बढाइने भएको छ । विराटनगरस्थित गिरिजाप्रसाद क्रिकेट रंगशालाको काम पनि अघि बढाइने अर्थमन्त्री महतले घोषणा गरेका छन् ।
