काठमाडौं । संयुक्त राज्य अमेरिकामा डेमोक्रेटिक पार्टीका राष्ट्रपति जो बाइडेन र रिपब्लिकन पार्टीका सभामुख केभिन म्याकार्थीबीच ऋण सीमा बढाउने र खर्च नियन्त्रण गर्ने सहमति भएको छ ।

तिर्न नसकेर ऋण ‘डिफल्ट’ गर्ने स्थितिमा पुग्न नदिने कदमका रूपमा दुई वर्षका लागि उक्त सीमा बढाउने सहमति गरिएको हो । यस्तो सम्झौता त्यहाँको दुवै सदनबाट पारित हुनुपर्ने प्रावधान छ ।

त्यहाँको अर्थमन्त्री जेनेट येलेनले आउँदो जुन ५ मा अमेरिका आफ्नो खर्च धान्न नसक्ने अवस्थामा पुग्ने र बिल तिर्न नसक्ने बताइसकेकी छन् । सोही कारण जुन ५ अगावै यो सम्झौता पारित हुने अपेक्षा गरिएको छ ।

“करिब एक हप्ता लामो वार्तापछि हामी सैद्धान्तिक सहमतिमा पुगेका छौँ । हामीले अझै धेरै काम गर्न बाँकी छ । तर, मलाई विश्वास छ कि यो अमेरिकी जनताको लागि योग्य सम्झौता हो,” म्याकार्थीले सञ्चारकर्मीसित भनिन् । सीएनएनबाट ।