site stats
बाह्रखरी :: Baahrakhari
खेल
Nabil BankNabil Bank
Sarbottam CementSarbottam Cement
सातदोबाटोविरुद्ध सहज जित निकाल्दै रेलिगेसन क्षेत्रबाट उक्लियो फ्रेन्ड्स, मनाङलाई रेलिगेसनको डर
Ghorahi CementGhorahi Cement

काठमाडौं । सातदोबाटो युथ क्लबविरुद्ध ४–० को जित निकाल्दै फ्रेन्ड्स क्लब सहिद स्मारक ‘ए’ डिभिजन लिगको रेलिगेसन क्षेत्रबाट उक्लिएको छ ।

लिगको रेलिगेसन क्षेत्रमा संघर्षरत देखिएको फ्रेन्ड्स यो जितसँगै १२औं स्थानमा उक्लियो । २१ खेलबाट २४ अंक जोडेको फ्रेन्ड्स रेलिगेसन क्षेत्रमा रहेको संकटा क्लबभन्दा एक अंकले माथि छ ।

Agni Group

बिहीबार सातदोबाटोस्थित एन्फा कम्प्लेक्समा फ्रेन्ड्सलाई जित दिलाउन टोरिक जेब्रिनले दुई गोल गर्दा रफिक एमिनु र प्रकाश बुढाथोकीले समान एक गोल गरे ।

खेलको पहिलो मिनेटमा नै एमिनुले गरेको गोलबाट फ्रेन्ड्सले अग्रता बनाएको थियो । एमिनुको गोलमा पहिलो हाफमा १–० को अग्रता बनाएको फ्रेन्ड्सले दोस्रो हाफमा तीन गोल थप्यो ।

Global Ime bank

प्रकाश बुढाथोकीले ५५औँ मिनेटमा गोल गर्दै फ्रेन्ड्सको अग्रतालाई दोब्बर पारेका थिए । खेलको निर्धारित समय सकिन तीन मिनेट बाँकी रहँदा जेब्रिनले दुई गोल गरेपछि फ्रेन्ड्सले सहज जित निश्चित गर्यो ।

आजै च्यासल रंगशालामा भएको खेलमा मनाङ मर्स्याङ्दी क्लबसँग गोलरहित बराबरीमा रोकिँदा शीर्ष स्थानको चर्च ब्वाइज युनाइटेडको उपाधि यात्रामा धक्का पुगेको छ । यता, लिगमा १०औं बराबरी खेलेको मनाङ भने रेलिगेसन क्षेत्रको जोखिममा परेको छ ।

बराबरीमा रोकिँदा दुई अंक गुमाएको चर्च ब्वाइजले २१ खेलबाट ३८ अंक जोडेको छ । जुन दोस्रो स्थानको मछिन्द्र फुटबल क्लबभन्दा तीन अंकमात्र माथि हो । लिगमा अब अन्तिम पाँच चरणका खेलहरु मात्र बाँकी छन् ।

समान खेलबाट २५ अंक जोडेको मनाङ भने तालिकाको ११औँ स्थानमा खस्किएको छ । जुन रेलिगेसन क्षेत्रमा रहेको संकटा क्लबभन्दा दुई अंकमात्र माथि हो ।

NIBLNIBL
प्रकाशित मिति: बिहीबार, जेठ ११, २०८०  १८:१२
Sipradi LandingSipradi Landing
worldlinkworldlink
Nepal TelecomNepal Telecom
प्रतिक्रिया दिनुहोस्
Ncell Side Bar LatestNcell Side Bar Latest
Shivam Cement DetailShivam Cement Detail
NepatopNepatop
Maruti cementMaruti cement
ICACICAC