काठमाडौं । यही शुक्रबारबाट रिलिज हुने चलचित्र ‘हुक्काः एन एब्सर्ड ड्रिम’ले रिलिजको छेको पारेर  ‘वाच एण्ड वीन’ अफर ल्याएको छ । पोखरास्थित अन्नपूर्ण केबल कार र उडी एडभेन्चरसँग सहकार्य गर्दै दर्शकका लागि ‘वाच एण्ड वीन’ अफर ल्याएको हो । यो अफरमा खल्तीको डिजिटल टिकेटिङले सहकार्य गरेको छ ।

दर्शकले चलचित्र ‘हुक्काः एन एब्सर्ड ड्रिम’को प्रत्येक टिकट किन्दा अन्नपूर्ण केबल कार यात्रामा २५ प्रतिशत छुटको व्यवस्था गरिएको छ । यो सुविधा नेपाल भरका दर्शकमा लागु हुनेछ ।

चलचित्र हेर्न आउने दुईजनाले सेल्फीसँग फोटो हालेर '#nepalimoviehookah12' लेखेर फोटो अपलोड गर्ने ६ जनाले उडी एडभेन्चर साइक्लिङ, स्वीङ र जिपलाइन, अन्नपूर्ण केवलकारको निःशुल्क टिकट र पोखराको सेदीस्थित कल्चर रिसोर्टमा दुई दिनको लजिङ र फुडिङको सुविधा पाउनेछन् । यसका लागि दर्शकले फिल्मको काटेको टिकट सुरक्षित राख्नुपर्नेछ । यो सुविधा असोज २८ गतेसम्म रहेको छ । 

शम्भु थापाको निर्देशन रहेको चलचित्रमा प्रकाश घिमिरे, सन्तोषकुमार आत्रेय, प्रमिला खनाल, तेज गिरीलगायतको अभिनय छ ।

सन्तोषकुमार आत्रेयको कथा रहेको चलचित्रमा सन्तोष र भगवान पौडेलको पटकथा छ ।