काठमाडौं । सरकारले आयोजना वर्गीकरण निर्देशिका बमोजिम संघ प्रदेश र स्थानीय तहमा सञ्चालन हुने आयोजना वर्र्गीकरण गरी बजेट व्यवस्थापन गरिने जानकारी दिएको छ ।
शुक्रबारको प्रतिनिधिसभा बैठकमा सरकारको आगामी आर्थिक वर्षको नीति तथा कार्यक्रम प्रस्तुत गर्दै राष्ट्रपति रामचन्द्र पौडेलले आयोजना तयारीका सम्पूर्ण चरण सम्पन्न भएका आयोजनामा मात्र बजेट विनियोजन गरिने पनि जानकारी दिए ।
“विकास आयोजनाहरू निर्धारित समयमा लागत र गुणस्तरमा सम्पन्न गरिनेछ । आयोजना तयारीका सम्पूर्ण चरण सम्पन्न भएका आयोजनामा मात्र बजेट विनियोजन गरिनेछ,” उनले भने ,“राष्ट्रिय गौरव र रूपान्तरणका आयोजनका कार्यान्वयनमा प्राथमिकता दिइनेछ । ”
राष्ट्रपति पौडेलले थपे– “आयोजना वर्गीकरण निर्देशिका बमोजिम तीन तहमा सञ्चालमा हुने आयोजनाको वर्गीकरण गरि बजेट व्यवस्थापन गरिनेछ ।”
उनले विकास आयोजनाको अनुगमन र मूल्यांनलाई नतिजाउन्मुख बनाइने पनि उनले जानकारी दिए ।