site stats
बाह्रखरी :: Baahrakhari
सम्पादकीय
Nabil BankNabil Bank
Sarbottam CementSarbottam Cement

संसद्को कार्य व्यवस्था समितिले ‘मर्यादित पोसाक’ लगाएरमात्र संसद्मा जानुपर्ने निर्णय गरेको छ । सम्भवतः प्रतिनिधि सभामा एक जना महिला सदस्यले लगाएको पोसाकमा प्रश्न उठाइएपछि यस्तो निर्णय गरिएको हुनुपर्छ । सायद, अब जिन्स र टीसर्टमाथि स‌सद्मा प्रतिबन्ध लाग्ला !

विश्वका केही मुलुकमा संसद्का बैठकमा लगाउने पोसाक निर्धारित हुन्छ । उदार लोकतान्त्रिक मुलुकमा भने यस्तो पोसाकको चयन सांसदहरूकै विवेकमा छाडिन्छ । संसदीय परम्पराको उदाहरण मानिने बेलायत र उदार लोकतन्त्रको मानक मानिने अमेरिका भने कथित ‘पोसाक संहिता’ छैन । 

नेपालमा राणाकालमा शासक र साधारण जनता पहिरनबाटै छुट्टिने गर्थे । पञ्चायतकालसम्म पनि यस्तो अन्तर लगभग कायमै थियो । लोकतन्त्रको पुनःस्थापनासँगै सांसदको पोसाकमा पनि विविधता र उदारता देखिन थालेको हो ।

Prabhu Bank
Agni Group
NIC Asia

कथित मर्यादित पोसाकको बन्देज भने मूलतः महिला केन्द्रित हुनेगरेको देखिन्छ । पुरुषहरू कछाड बाँधेर, धोती लगाएर र खाली खुट्टा संसद्को बैठकमा जाँदा कहिल्यै बन्देज लगाइएन । लाग्छ, संसद्मा पनि समाजमा जस्तै मर्यादा पालन महिलाले मात्र गर्नुपर्छ १

वास्तवमा अनुदार परम्परावादी मानसिकता हुनेहरूले यस्तै आडम्वरमा मर्यादा खोज्ने गर्छन् । सभामुखको पछिल्लो निर्णय सम्भवतः त्यही अनुदार र लोकतन्त्र विरोधी मानसिकताबाट प्रभावित भएको छ । यद्यपि, समाजकै गतिमा संसद् पनि उदार र लोकतान्त्रिक हुँदै जानुपर्छ भन्ने मानिन्छ ।

Global Ime bank

कुनै जमानामा सबै पुरुष सांसदले दौरासुरुवाल र महिलाले सारीचोलो लगाउँथे । अहिले पुरुषहरूले अरू पोसाक पनि लगाउन थालेका छन् भने महिलाले पनि जातीय पोसाकहरू लगाएका छन् । कुनै पहिरनले संसद्को मर्यादा घटेको त छैन ! के अब अङ्ग प्रदर्शन भयो भनेर कछाड बाँधेर संसद् बैठकमा जान नदिने?

संसदीय मर्यादा यथार्थमा भाषा, आचरण, व्यवहारमा देखिने भद्रता र शिष्टतामा देखिनुपर्छ । पोसाकमा मर्यादा खोज्ने ‘तालिबानी’ सोचले संसद्मा प्रवेश पाउन थाल्यो भने मुलुकमा मर्यादाका ठेकेदारहरूले ‘नैतिक प्रहरी’को अवतार लिन थाल्नेछन् ।

पोसाक स्वयंमा उत्तेजक हुँदैन । उत्तेजना  हेर्नेको दृष्टिमा हुन्छ । स्तनपान गराइरहेकी आमाको चित्र पनि कट्टरपन्थीका आँखामा अश्लील देखिन सक्छ । सांसदहरूबाट यस्ता विषयमा  परिपक्वता प्रदर्शन हुने अपेक्षा थियो । सा‌सदको पोसाकको छनोट उनीहरूलाई नै गर्न दिनु उचित हुन्छ ।

संसद् पनि नेपाली समाजको अरू खण्डजस्तै युगसन्धिको अवस्थामा छ । पञ्चायत कालमा जन्मेहुर्केको पुस्ताको सङ्ख्या कम हुँदैछ भने लोकतन्त्रमा जन्मेको वा हुर्केको पुस्ताको प्रभाव बढ्दैछ । यसैले राणाकालीन सामन्ती सोच पनि अब हटाउँदै जानुपर्छ ।

पोसाक संहिता बनाउने नै हो भने त्यो लैङ्गिक विभेद नहुने, लगाउने व्यक्तिलाई सांस्कृतिक वा शारीरिक कारणले समेत अप्ठेरो नलाग्ने र कुनै समुदाय विशेषलाई आपत्ति नहुने हुनुपर्छ । यसको उद्देश्य त  सांसदहरूले पनि  आफूले लगाएको पोसाकमा सहज र  सम्मानित महसुस गरुन् भन्ने न हो ।

अहिले सांसद्ले संसद् बैठकमा लगाउने लुगामा ‘फतवा’ जारी हुनथाल्यो र त्यससँग झुक्न थालियो भने भोलि सङ्कीर्ण परम्परावादीहरू हौसिएर समाजका सबै क्षेत्रलाई ‘कक्रक्क’ पार्ने तयारीमा लाग्नेछन् । यसैले ‘नैतिक प्रहरी’ खोज्ने सोच र प्रवृत्ति निरुत्साहित गर्न बेलैमा सजग होऊ ।

NIBLNIBL
प्रकाशित मिति: मंगलबार, जेठ २, २०८०  १३:५२
Sipradi LandingSipradi Landing
worldlinkworldlink
प्रतिक्रिया दिनुहोस्
Dish homeDish home
Ncell Side Bar LatestNcell Side Bar Latest
Bhatbhateni IslandBhatbhateni Island
cg detailcg detail
Kumari BankKumari Bank
Shivam Cement DetailShivam Cement Detail
Maruti cementMaruti cement