site stats
बाह्रखरी :: Baahrakhari
विचार
Nabil BankNabil Bank
KNP NerolacKNP Nerolac
Ghorahi CementGhorahi Cement
बालेन र हर्क सयवर्ष पहिले न्युयोर्कको मेयर भएको भए...

म केही समयअघि न्यु योर्कको एउटा रेस्टुराँमा गएको थिएँ ।

भित्तामा टाँगिएका दुई तस्बिरले मेरो ध्यान ताने । पहिलो तस्बिर सन्  १९०० मा खिचिएको र अर्को सन् १९१३ । तीे तस्बिरहरुलाई नजिकबाट नियाल्न थालेँ । वास्तवमा ती एउटै स्थान, एउटै जात्राका तर १३ वर्षको अन्तरालमा खिचिएका तस्बिर थिए । तर दुवैमा असामान्य अन्तर थियो ।

मेरो मनमा साथै अनगिन्ती प्रश्नहरु उठे । यो कसरी हुनसक्छ ? त्यो पनि सय वर्षअघि !

Agni Group

त्यो तस्बिर न्युयोर्कको म्यानहटन सहरमा बर्सेनि हुने सडक जात्राको थियो । पहिलो तस्बिरमा पूरा सडक घोडाबग्गीले ढाकिएका थिए  बीचमा एउटामात्र मोटर गाडी । अर्को तस्बिरमा पूरा सडक मोटर गाडीले भरिएको थियो र बीचमा एउटा घोडाबग्गी ।

सन् १९०० मा बालेन र हर्क न्यु योर्क सरहको नगरपिता भएका भए उनीहरुले घोडाको बग्गीलाई आफ्नो मुख्य एजेन्डा बनाउने थिए कि मोटर गाडीलाई ? यस प्रश्नको उत्तर पाउन कठिन पर्ला । तर, सन् २०२३ का बालेन र हर्क त्यो सुविधामा छन् । आउँदो नयाँ विश्वको नयाँ सहरको परिकल्पना गरेर आफ्नो सहरलाई विश्वस्तरीय बनाउनुपर्नेछ ।

Global Ime bank

केही वर्षपछि घोडाको प्रयोग कम भयो । गल्लीगल्लीमा घोडाका मासु बेचिए । मोटर गाडी अमेरिकाको अर्थतन्त्रको मेरुदण्ड बन्यो । जसका त्यसबाट लाखौँ मानिसले रोजगारी पाए । त्यस व्यवसायले नयाँ अरु व्यवसाय जन्मायो ।

सन् १९८५ ताका सेलफोनका लगानीकर्ताहरुले आउँदा १५ वर्षमा कति मानिसले सेलफोन प्रयोग गर्लान् भनी केही विज्ञहरुसँग प्रतिवेदन मागे । उनीहरुले ९ लाख जति हुने प्रतिवेदन बुझाए । वास्तवमा १० करोड ९० लाख मानिसले सेलफोन प्रयोग गरे । टेक्नोलोजीको विकास, प्रयोगकर्तामा सेलफोनप्रतिको आकर्षण र मूल्यमा क्रमिकरुपमा कमीको कारण आज ल्यान्डलाइन प्रयोगकर्ताहरु दिनहुँ घटिरहेका छन् ।

सन् २००७ देखि स्मार्ट फोन आयो र त्यसको २ वर्षपछि उबर जन्मियो । त्यसले सातवर्षमा पूरा ट्याक्सी व्यवसायको भन्दा बढी सेवा ग्राहकहरुलाई दियो । राज्यले त्यसको कल्पनै गरेन । राज्यले कल्पना गरेभन्दा बढी राजस्व दियो र आजको दिनसम्म आउँदा सेवाग्राहीले ३ गुणा कम मूल्यमा पहिलेको भन्दा राम्रो र सुरक्षित सेवा पाएका छन् । आजभोलि न्यु योर्क, लन्डन, सानफ्रान्सिस्कोजस्ता सहरमा बस्ने मानिसले निजी गाडी किन्न छाडेका छन् ।

म बालेन र हर्कजस्ता नगरपिताहरुलाई सय वर्षअघि कति छोटो समयमा प्रविधिको विकास भएको थियो र अब आउँदा दिनमा वर्ष होइन केही महिनामा आउने परिवर्तनका लागि पूर्वअनुमानसहित योजना बनाउन आग्रह गर्छु ।
अब के हुन्छ ?

ग्यास, पेट्रोल, डिजेलबाट चल्ने गाडीमा दुई हजार बढी कलपुर्जा (मुभिङ पार्टस्) हुन्छन् । तिनको मर्मत सम्भारमा धेरै पैसा खर्च गर्नुपर्ने हुन्छ । यता बिजुली कारमा १८ वटामात्रै यस्ता कलपुर्जा हुन्छन् । तिनको मर्मतका लागि कम खर्च लाग्छ ।

सन् २०१४ मा ८० हजार डलर पर्ने कारको मूल्य ३० हजारभन्दा तल झरेको छ । यसको मूल्य १० हजारभन्दा तल झर्नेछ । यसमा आर्टीफिसिएल इन्टेलिजेन्स (एआई) प्रविधिको प्रयोग गर्नाले केही वर्षभित्रै पूर्णरुपमा स्वचालित बनाइनेछ । फलस्वरुप, निकट भविष्यमा कार किनेर निजी बनाउनेभन्दा पनि सेवाको रुपमा प्रयोग गरिनेछ ।

अहिलेकै अवस्थामा पनि टेस्लाको अटोपाइलट मानिसहरुले कुदाएको गाडीभन्दा १२ गुणा सुरक्षित मानिन्छ । आजकै दिनमा पनि वार्षिक १२ लाख मानिसहरु कार दुर्घटनामा मारिने गरेको तथ्यांक छ । 
अहिलेकै अटोपाइलट प्रविधि प्रयोग गर्ने हो भने ९ लाख मानिसको ज्यान वार्षिकरुपमा जोगाउन सकिँदोरहेछ ।

सन् २०३० सम्ममा मानिसहरुलाई प्रदान गरिएको सवारी चालक अनुमतिपत्र खोसिनेछ । कारण एडीएफ टेक्नोलोजी पनि सुरक्षित हुनेछ ।

त्यसबेलासम्म मानिसले चलाएको गाडी बरु बढी जोखिमपूर्ण मानिनेछ । गाडीको मूल्य घट्ँदै जानु, स्वचालित कार हुने भएकाले चालकको आवश्यकता नपर्नु, मर्मतमा अत्यन्त न्यून खर्च लाग्नु अनि बिजुलीबाट चल्ने भएकाले खर्च कम हुँदै जाँदा गाडी किन्ने चलन अन्त्य हुनेछ ।

गाडी ९६ प्रतिशत समय पार्किङमा राख्नुपर्ने, त्यहीँबाट हराउने पनि भएकाले सानफ्रान्सिस्कोजस्ता तीनवटा सहर बराबरको पार्किङ स्पेस लस एन्जलस सहरमा खाली हुनेछ । त्यसलाई कसरी प्रयोगमा ल्याउने भन्ने योजना बनाइरहेको छ र विगतका बिल्डिङहरुमा परिवर्तन गरिरहेको छ ।

हाम्रो काठमाडौंको पार्किङको अवस्था हेरौँ त ! हामीसँग जमिन पनि महँगो र मूल्य पनि अधिक भएकाले नेपालको सहर लस एन्जलसजस्तो होइन न्यु योर्क  वा सिंगापुरजस्तो गगनचुम्बी टावर बनाएर व्यवस्थापन गर्न सकिन्छ । 

NIBLNIBL
प्रकाशित मिति: मंगलबार, जेठ २, २०८०  १०:१०
Sipradi LandingSipradi Landing
worldlinkworldlink
Nepal TelecomNepal Telecom
प्रतिक्रिया दिनुहोस्
NchlNchl
Shivam Cement DetailShivam Cement Detail
NepatopNepatop
CG DetailCG Detail
Maruti cementMaruti cement
सम्पादकीय
  एनसेल प्रकरणको खैलाबैला
  एनसेल प्रकरणको खैलाबैला
Corporate BaahrakhariCorporate Baahrakhari
SubisuSubisu