काठमाडौं । महोत्तरीको एकडारा गाउँपालिका–४, हल्खोरी बजारबाट पेस्तोलसहित एकजना पक्राउ परेका छन् ।

‘होममेड’ भारतीय पेस्तोल एकथान र सोको गोली पाँच राउन्डसहित भारतको सीतामढीका २६ वर्षीय पप्पु यादवलाई शनिबार राति प्रहरीले नियन्त्रणमा लिएको हो ।

भारतबाट नेपालतर्फ आउँदै गरेको बीआर३०वाई ९१४२ नम्बरको मोटरसाइकललाई जाँच गर्ने क्रममा उक्त हतियारसहित यादवलाई पक्राउ गरिएको प्रहरीले जनाएको छ ।

चारथान भरुवा बन्दुक बरामद
रुकुम पूर्वको सिस्ने गाउँपालिका–८, भुरुंगास्थित सामुदायिक जंगलबाट प्रहरीले चारथान भरुवा बन्दुक बरामद गरेको छ । शनिबार (हिजो) बिहान ती बन्दुक बरामद गरिएको हो ।

जंगलको खाल्डोमा स्याउलाले छोपी बेवारिसे अवस्थामा रहेको उक्त बन्दुक फेला पारी बरामद गरिएको प्रहरीले जनाएको छ ।