काठमाडौं । आरजु राइस मिलको चामल आजदेखि बजारमा आएको छ । बुद्ध एयरका प्रबन्ध निर्देशक वीरेन्द्रबहादुर बस्नेतले सञ्चालन गरेको राइस मिलले उत्पादन गरेको चामल बजारमा आएको हो । 

बिहीबार काठमाडौंमा पत्रकार सम्मेलन गर्दै राइस मिलले उत्पादन गरको लङ्ग्रेनका चामल सार्वजनिक गरेको हो । मिलका सञ्चालक वीरेन्द्रबहादुर बस्नेतले किसानले उत्पादन गरेको धानको न्यूनतम मूल्य तोकी धान प्राप्त भएको दुई दिनमा नै रकम भुक्तानी गर्ने बताए ।

किसान र उपभोक्ताबीचको दुरी नजिक बनाउन राइस मिलले काम गरेको उनको भनाइ छ । 

बस्नेतले हाल बजारमा रहेको लङग्रेन चामलको तुलनामा कम कनिकारहित र स्वादिलो रहेको दाबी गरे ।

उनका अनुसार आरजु लङग्रेन चामल काठमाडौंसहित बजारमा प्रतिकेजी १३० रुपैयाँमा आएको छ ।