site stats
बाह्रखरी :: Baahrakhari
राजनीति
Global Ime bankGlobal Ime bank
कांग्रेसका दुई महामन्त्रीले राखे खाँणलाई निलम्बन गर्ने प्रस्ताव

काठमाडौ । नेपाली कांग्रेसका दुई महामन्त्रीले नक्कली भुटानी शरणार्थी प्रकरणमा पक्राउ परेका केन्द्रीय सदस्य बालकृष्ण खाँणलाई निलम्बन गर्न प्रस्ताव गरेका छन्।

सभापति शेरबहादुर देउवा निवास धुम्बाराहीमा बुधबार बसेको पदाधिकारी बैठकमा महामन्त्रीद्वय गगन थापा र विश्वप्रकाश शर्माले खाँणलाई निलम्बन गरेर अनुसन्धानमा सहयोग गर्न प्रस्ताव गरेका हुन्।

'केन्द्रीय सदस्य बालकृष्ण खाँण पक्राउ पर्नु भएको छ । नक्कली भुटानी शरणार्थी  प्रकरणमा पार्टीले अनुसन्धानमा सहयोग गर्न उहाँलाई निलम्बन गर्नुपर्छ," महामन्त्री थापाको भनाई उधृत गर्दै एक पदाधिकारीले भने,"कामना गरौ उहाँ अनुसन्धानबाट निर्दोष भएर आउनुहुनेछ।"

ती पदाधिकारीका अनुसार अर्का महामन्त्री शर्माले पनि अहिले निलम्बन गरेर अनुसन्धानमा सहयोग गर्दा त्यसले तटस्थ अनुसन्धानमा सहयोग पुर्‍याउने र निर्दोष भएर फर्किदा पार्टी र उनको इज्जत बढ्ने बताएका थिए।

आजको पदाधिकारी बैठक सकिएको छ। भोलि पूर्वपदाधिकारीसहितको बैठक डाकिएको छ। आजको बैठकमा प्रकाशमान सिंह मात्र पूर्वपदाधिकारी थिए।

प्रकाशित मिति: बुधबार, वैशाख २७, २०८०  २०:३६
worldlinkworldlink
प्रतिक्रिया दिनुहोस्
Nepal Life Insurance banner adNepal Life Insurance banner ad
Ncell Side Bar LatestNcell Side Bar Latest
Bhatbhateni IslandBhatbhateni Island
सम्पादकीय
Hamro patroHamro patro