काठमाडौं । यामाहा नेपालले आफ्नो बहुप्रतिक्षित 'ब्लू स्ट्रिक्स' पहल सुरु गर्ने घोषणा गरेको छ । यामाहाका ग्राहकहरूलाई एकै ठाउँमा ल्याउन र चालक तथा उनीहरूका मोटरसाइकलबीच बलियो सम्बन्ध सिर्जना गर्न डिजाइन गरिएको ब्लू स्ट्रिक्स एक रोमाञ्चक र नवीन कार्यक्रम भएको कम्पनीले जनाएको छ ।
यसले एउटा सशक्त यामाहा परिवार सिर्जना गर्ने कम्पनीको विश्वास छ ।
यामाहा मोटरसाइकल निर्माता मात्र नभएर यसका सवारहरूका लागि अविस्मरणीय अनुभव निर्माता पनि भएको कम्पनीले जनाएको छ ।
ब्लू स्ट्रिक्स यामाहाको आफ्ना ग्राहकहरूसँग गहिरो सम्बन्ध विकास गर्न र भविष्यमा 'म्यान मेसिन' अन्तर्क्रियालाई थप आकर्षक र रोमाञ्चक अनुभव बनाउने प्रतिबद्धताको एक हिस्सा भएको यामाहा नेपालले जनाएको छ ।
ब्लू स्ट्रिक्स कार्यक्रममा सामेल भएर यामाहा मालिकहरूले यामाहा समुदायसँग संलग्न भई विभिन्न फाइदा र अवसरहरू प्राप्त गर्नेछन् ।
विशेष कार्यक्रमका अवसर र सवारीदेखि भविष्यमा आउने विशेष प्रमोसन र छुटहरूसम्म प्रदान गरी 'ब्लू स्ट्रिक्स'ले यामाहा मालिकहरूका लागि थप निकटता र रमाइलो अनुभव सिर्जना गर्ने लक्ष्य राखेको कम्पनीले जनाएको छ ।
“ब्लू स्ट्रिक्सको सुरुवात यामाहाका लागि महत्त्वपूर्ण कोसेढुंगा हो,” माउ इन्टरप्राइजेजका प्रमुख कार्यकारी अधिकृत राजु क्षेत्रीले भनेका छन्, “हामी सम्पूर्ण यामाहा मालिकहरूलाई एकै ठाउँमा ल्याउन र उनीहरूसँग बलियो सम्बन्ध बनाउन पाउँदा हर्षित छौँ । हाम्रो लक्ष्य भनेको मोटरसाइकल र खुला सडकप्रति आफ्नो प्रेम बाँड्न सक्ने भावुक र जिम्मेवार यामाहा मालिकहरूको समुदाय सिर्जना गर्नु हो ।”
'ब्लू स्ट्रिक्स'मा सहभागी हुन र थप जानकारीका लागि यहाँ क्लिक गर्न सकिन्छ ।
