देश

काठमाडौं । पाँचथरमा एउटा पिकअप भ्यान दुर्घटना हुँदा एकजनाको मृत्यु भएको छ । चालकसहित नौजना घाइते छन् ।
आज बिहान करिब ८ बजे मे१ज २९५८ नम्बरको भ्यान दुर्घटना भएको पाँचथरका प्रमुख जिल्ला अधिकारी मेखबहादुर मंग्रान्तीले जानकारी दिए ।
उनका अनुसार दुर्घटनामा पाँचथरकै फालेलुङ गाउँपालिका–८ का ३० वर्षीय साजन केरुङको मृत्यु भएको छ । घाइतेमध्ये तीनजनाको अवस्था गम्भीर छ ।
“गम्भीर घाइतेहरूलाई झापा पठाइसकिएको छ । सामान्य घाइतेहरूको यहीँ जिल्ला अस्पतालमा उपचार भइरहेको छ,” उनले बाह्रखरीसित भने, “फालेलुङबाट फिदिम आउँदै गरेको मे१ज २९५८ नम्बरको भ्यान दुर्घटना भएको हो ।”
प्रकाशित मिति: आइतबार, वैशाख १०, २०८० १२:४७
प्रतिक्रिया दिनुहोस्