site stats
बाह्रखरी :: Baahrakhari
राजनीति
Nabil BankNabil Bank
Sarbottam CementSarbottam Cement
कोसी प्रदेश सभा सञ्चालन नियमावली तयार, अब मुख्यमन्त्री र मन्त्रीसँग सदनमै प्रश्नोत्तर गर्न सकिने
Ghorahi CementGhorahi Cement

विराटनगर । कोसी प्रदेश प्रदेश सभा प्रदेश सभा सञ्चालन नियमावलीको मस्यौदा तयार भएको छ । मस्यौदा तयार गर्न गठिन समितिले आज सभामुख बाबुराम गौतमलाई मस्यौदा हस्तान्तरण गरेको छ ।

मस्यौदामा प्रदेश सभा सञ्चालन नियमावली, २०७४ मा भएका कतिपय कमजोरीलाई संशोधन गरिएको मस्यौदा समितिका संयोजक लिलाबल्लभ अधिकारीले बताएका छन् ।

नियमावली मस्यौदा समितिले अन्तिम रूप दिएर मस्यौदा पारित गरी सभामुख भण्डारीलाई हस्तान्तरण गरेको हो । अब यो मस्यौदा विधेयकको रूपमा प्रदेश सभामा पेस भई सदनमा छलफल हुनेछ ।

Agni Group

“थप संशोधन आवश्यक परे अब सदनबाटै हुनेछ,” अधिकारीले भने ।

मस्यौदामा केन्द्र सरकारलाई संविधानमा उल्लेख भएका एकल अधिकार सूचीका विषयमा ध्यानाकर्षण गराउने, संसदीय समितिमा महिलाको प्रतिनिधित्वलाई सुनिश्चित गर्ने, सांसदले सरकारलाई गरेको प्रश्नको जवाफ सात दिनभित्र दिनुपर्ने र विधेयकको मस्यौदा सरोकारवालालाई सार्वजनिक गर्नेलगायत विषय थप भएका छन् ।

Global Ime bank

निजामती सेवा ऐन र प्रहरी ऐन जस्ता महत्त्वपूर्ण ऐन संघले रोकेर राख्दा प्रदेशले पूर्ण क्षमतामा काम गर्न सकेको छैन । कोसी प्रदेश सभाको अघिल्लो नियमावलीमा केन्द्र सरकारलाई ध्यानाकर्षण गराउने प्रावधान थिएन ।

विषयगत समितिमा सभापति पठाउने दलले एकजना महिला अनिवार्य पठाउनुपर्ने व्यवस्था नियमावलीले व्यवस्था गरेको छ । प्रश्नोत्तर गर्ने विषयमा पनि अघिल्लो नियमावलीमा संघकै संसद्को जस्ताको तस्तै राख्दिा घुमाउरो, लामो र झन्झटिलो हुँदा प्रश्नोत्तर विधि अभ्यासमा आउन सकेको थिएन ।

तर, नयाँ मस्यौदामा प्रदेश सभाका सदस्यहरूले हप्ताको एक दिन अनिवार्य प्रश्नोत्तर गर्न सक्ने प्रावधान थपिएको छ । प्रश्नकर्ता सदस्यले कुन कसलाई प्रश्न गर्ने हो मन्त्री, मुख्यमन्त्रीलाई प्रश्न गर्न सक्ने छ र प्रश्न गरेको विषयमा सम्बन्धित मन्त्री वा मुख्यमन्त्रीले ढिलोमा ७ दिनभित्रमा प्रश्नको उत्तर दिनुपर्नेछ ।

प्रश्नोत्तर गर्ने सांसदले त्यसबारे एक दिन अगावै संसद् सचिवालायमा त्यसबारे दर्ता गराउनुपर्ने छ । प्रश्न उचित भए नभएको सभामुखलाई निर्णय गर्ने अधिकार दिइएको छ ।

मस्यौदामा विशेष परिस्थितिबाहेक सामान्य अवस्थामा बन्ने कानुनको मस्यौदालाई प्रारम्भिक चरणमै सरोकारवालाका लागि सार्वजनिक गर्ने प्रावधान राखिएको छ ।

संयोजक अधिकारीले भने, “यति भएपछि सर्वसाधारण र सरोकारवालाले पनि यसबारे जानकारी पाउनेछन् । सुझावहरू दिन सक्नेछन् ।”

मस्यौदा बुझ्दै सभामुख गौतमले यसलाई अब प्रदेश सभाको बैठकमा छलफलका लागि पेस गरिने बताए । समयमै जिम्मेवारी पूरा गरेकोमा उनले समितिलाई धन्यवाद दिए ।

NIBLNIBL
प्रकाशित मिति: बुधबार, चैत १५, २०७९  २०:०५
Sipradi LandingSipradi Landing
worldlinkworldlink
Nepal TelecomNepal Telecom
प्रतिक्रिया दिनुहोस्
Ncell Side Bar LatestNcell Side Bar Latest
Shivam Cement DetailShivam Cement Detail
NepatopNepatop
Maruti cementMaruti cement
ICACICAC