काठमाडौं । धादिङको गल्छी गाउँपालिका–८, सुत्केरीढुंगाबाट ३४ किलो ५०० ग्राम चरेससहित एकजनालाई प्रहरीले पक्राउ गरेको छ । 

पक्राउ पर्नेमा धादिङको गजुरी गाउँपालिका–८, किरानचोकका ३२ वर्षीय बीरबहादुर तामाङ रहेका छन् । 

गोप्य सूचनाको आधारमा लागू औषध ब्यूरो कोटेश्वरबाट खटिएको प्रहरी टोलीले लुकाएर राखेको ठाउँमा चरेस फेला पारेको जिल्ला प्रहरी कार्यालय धादिङका प्रहरी नायव उपरीक्षक श्यामबहादुर खत्रीले जानकारी दिए । 

सोमबार पनि धादिङको थाक्रे गाउँपालिका–२, समनटारबाट ८ किलो ५ सय ग्राम चरेससहित मकवानपुरको थाहा नगरपालिका–८ की लक्ष्मी पुरीलाई प्रहरीले पक्राउ गरेको थियो ।