बेइजिङ । सांगठनिक अपराध र अवैध जुवा खेलाएकोसहित १०० बढी अभियोगमा मकाउका प्रमुख जुवा खेलाडी एल्भिन चाउलाई १८ वर्ष लामो कारावासको सजाय सुनाइएको छ । ४८ वर्षीय चाउलाई १०५ अर्ब अमेरिकी डलर भन्दा बढीको अवैध बाजीमाथि केन्द्रित एउटा मुद्दामा दोषी ठहर गरिएको हो ।
स्थानीय क्यासिनो उद्योगमा रङ्गिन मिजास र उच्च व्यक्तित्वका रूपमा चिनिने चाउले भने आफूविरुद्ध लगाइएका सम्पूर्ण अभियोग अस्वीकार गरेका छन् ।
क्यासिनो जुवालाई वैधानिकता दिइएको एक मात्र चिनियाँ सहर मकाउ पूर्व पोर्चुगी उपनिवेश हो ।
उनी सनसिटी ग्रुपका संस्थापक अध्यक्ष पनि हुन् । यस ग्रुपले संगठित रूपमा धनी जुवाडेहरूलाई क्यासिनोहरूमा पुर्याउने गरेको छ । मकाउकै सबैभन्दा ठूलो संस्थाको रूपमा चिनिने यस ग्रुपले मुख्यभूमि चीनबाट जुवाडेहरूलाई मकाउका विभिन्न क्यासिनो गएर जुवा खेल्न आवश्यक सम्पूर्ण बन्दोबस्त जुटाउनेलगायत आवश्यक परेमा उनीहरूलाई ऋणको समेत व्यवस्था गर्ने गरेको छ । साथै क्यासिनोहरूका फसेका रकम उठाइदिने काम समेत गर्दै आएका यसले मकाउभरिका क्यासिनोमा भीआईपी रुमहरू सञ्चालन गरिरहेको छ ।
पक्राउमा परेको केही दिनपछि अर्थात् सन् २०२१ को डिसेम्बरमा 'जन्केट किङ'को उपनामले पनि चिनिने व्यापारी चाउले सो समूहबाट राजीनामा दिएका थिए ।
बीबीसीबाट ।
