धनगढी । ग्रेडरको ठक्करबाट विद्यार्थीको मृत्युको बिरोधमा धनगढीमा विद्यार्थी प्रदर्शनमा उत्रिएपछि स्थिति तनावग्रस्त बनेको छ । जिल्ला प्रशासन कार्यालयले लगाएको कर्फ्यु जारी गरे पनि विद्यार्थीले तोडेर प्रदर्शनमा उत्रिएपछि स्थिति तनावग्रस्त बनेको छ।

स्थितिलाई नियन्त्रणमा लिन प्रहरीले ८ राउन्ड हवाई फायरसमेत गरेको छ । ग्रेडरले किचेर आफ्ना सहपाठीको मृत्यु भएपछि धनगढीका विद्यार्थी आन्दोलित भएका छन् । 

बिहीबार बिहान १० बजे धनगढीको पञ्चोदय माध्यमिक विद्यालयको कक्षा ८ मा अध्ययनरत चेतना साउँदको सडक निर्माणका क्रममा ग्रेडरले किचेर मृत्यु भएको थियो । 

बिहीबार साँझ ७ बजेदेखि अर्को सूचना जारी नभएसम्मका लागि जिल्ला प्रशासन कार्यालय कैलालीले निषेधाज्ञा जारी गरेको छ । निषेधाज्ञाबीचमै अहिले पनि धनगढीका केही स्थानमा प्रहरी प्रशासनविरूद्ध विद्यार्थी नाराबाजी गर्दै प्रदर्शनमा उत्रिएका छन् । प्रदर्शनमा सहभागी केही विद्यार्थीलाई प्रहरीले पक्राउ गरेको छ  । कही घाइते भएका छन् ।

विद्यार्थीले मृतकका आफन्तलाई क्षतिपूर्तिसहित चालकलाई कारबाहीको माग गरिरहेका छन् । अहिले जिप्रका कार्यालयमा छलफल जारी छ ।