site stats
बाह्रखरी :: Baahrakhari
राजनीति
Nabil BankNabil Bank
सुदूरपश्चिममा नागरिक उन्मुक्तिलाई कांग्रेसबाट मुख्यमन्त्रीको अफर, सकसमा गठबन्धन
Sarbottam CementSarbottam Cement

धनगढी । नागरिक उन्मुक्ति पार्टीले निर्णय नलिँदा सुदूरपश्चिम प्रदेशमा सत्ता गठबन्धनलाई सरकार गठन गर्न कठिन हुने देखिएको छ । सुदूरपश्चिममा सरकार गठबन्धनका लागि नागरिक उन्मुक्ति निर्णायक दलका रूपमा देखिन्छ । अवस्था यस्तो छ कि सुदूरपश्चिममा नागरिक उन्मुक्तिले जसलाई समर्थन गर्छ उसैको सरकार बन्ने देखिन्छ ।

नागरिक उन्मुक्तिले केन्द्रमा पुष्पकमल दाहाल 'प्रचण्ड' नेतृत्वको सरकालाई समर्थन गरेको छ । तर, रेशम चौधरीलाई रिहा गर्ने विषयमा गठबन्धन सकारात्मक नदेखिएपछि प्रचण्डलाई विश्वासको मत दिने/नदिनेबारे उसले निर्णय गरिसकेको छैन । अर्कोतिर सोमबारदेखि सुरु भएको प्रतिनिधि सभा बैठकमा नागरिक उन्मुक्ति प्रतिपक्षी दलको बेन्चमा बसेको छ । 

नागरिक उन्मुक्तिले रेशमको रिहाइलाई प्रमुख मागका रूपमा अघि सारेको छ । सँगै उसले सुदूपश्चिमको नेतृत्वमा पनि दाबी गरिरहेको छ । तर, सत्ता गठबन्धनले सुदूरपश्चिमको पहिलो कार्यकाल एमाले र दोस्रो कार्यकाल माओवादी केन्द्रलाई दिने निर्णय गरिसकेको छ । नागरिक उन्मुक्तिलाई उपसभामुख दिने निर्णय त भएको छ तर यसबारे उसले कुनै प्रतिक्रिया जनाइसकेको छैन ।

Prabhu Bank
Agni Group
NIC Asia

यस्तो अवस्थामा नागरिक उन्मुक्ति 'पर्ख र हेर'को रणनीतिमा रहेको देखिन्छ । केन्द्रसहित सबै प्रदेशमा प्रतिपक्षको बेन्चमा पुगेको कांग्रेसलाई सुदूरपश्चिममा भने सरकारमा जाने मौका छ । कांग्रेसले त्यसका लागि लबिङ पनि गरिरहेको छ । नागरिक उन्मुक्तिलाई मुख्यमन्त्री दिएर भएपनि सरकारमा जाने तयारी कांग्रेसको छ ।

"हामी नागरिक उन्मुक्तिलाई मुख्यमन्त्री दिएर सरकार बनाउँछौँ । हामी लबिङमा छौँ," कांग्रेस सुदूरपश्चिम प्रदेशका महामन्त्री तथा प्रदेश सभा सदस्य मेघराज खड्काले भने ।

Global Ime bank

नागरिक उन्मुक्तिले भने गठबन्धनलाई नै प्राथमिकता दिएको देखिन्छ । केन्द्रको स्वार्थ मिलेमा नागरिक उन्मुक्तिले गठबन्धनलाई साथ दिन सक्छ । तर, केन्द्रमा गठबन्धनबाट कुनै सकारात्मक संकेत नमिले उसले कांग्रेसको प्रस्ताव पनि स्वीकार गर्न सक्छ ।

अहिले सुदूपश्चिममा नागरिक उन्मुक्ति पार्टी तानातानको अवस्थामा छ । सुदूरपश्चिममा पुस २७ गते साँझ ५ बजेसम्म सरकारमा दाबी गरिसक्नुपर्ने छ । 

प्रदेश सरकारको नेतृत्वको दौडमा रहेका एमाले संसदीय दलका नेता राजेन्द्र रावल भने अहिलेका सत्ता गठबन्धनमा रहेका सबै दलहरूबीच साझा सहमतिको वातावरण बनाउन छलफल चलिरहेको बताँछन् । 

५३ सदस्यीय प्रदेश सभामा सरकार गठन गर्न २७ सांसदको समर्थन चाहिन्छ । यहाँ सबैभन्दा ठूलो नेपाली कांग्रेससँग १९ सिट, माओवादी केन्द्रसँग ११, एमालेसँग १०, नागरिक उन्मुक्तिसँग ७, नेकपा (एकीकृत समाजवादी)का चार, राप्रपाका एक र एकजना स्वतन्त्र सांसद छन् ।

NIBLNIBL
प्रकाशित मिति: मंगलबार, पुस २६, २०७९  ०६:२०
Sipradi LandingSipradi Landing
worldlinkworldlink
प्रतिक्रिया दिनुहोस्
Dish homeDish home
Ncell Side Bar LatestNcell Side Bar Latest
Bhatbhateni IslandBhatbhateni Island
cg detailcg detail
Kumari BankKumari Bank
Shivam Cement DetailShivam Cement Detail
Maruti cementMaruti cement