मनिला । फिलिपिन्सको एउटा विश्वविद्यालयमा आयोेजित एक कार्यक्रमको दौरानमा भएको गोलीकाण्डमा तीनजना मानिसले ज्यान गुमाएका छन् ।
सुनियोजित आक्रमण जस्तो देखिएको यस घटनामा पूर्वमेयर रोज फुरिगे पनि मारिएकी छन् । क्वेजोन सहरस्थित विश्वविद्यालयमा आफ्नी छोरीको दीक्षान्त समारोहमा भाग लिन फुरिगे त्यहाँ पुगेकी थिइन् । उनकी छोरी पनि घाइते भएकी छन् ।
आक्रमणमा संलग्न बन्दुकधारीलाई घटनास्थलबाटै पक्राउ गरिएको छ । ती व्यक्तिको फुरिगेसँग कानुनी विवाद रहेको अनुमान गरिएको छ ।
राजनीतिक पात्रहरूको हत्या हुनु सामान्य मानिने फिलिपिन्समा विद्यालय र विश्व विद्यालयहरूमा भने बिरलै गोली चल्ने गर्दछ । कानुन शंकायका विद्यार्थी तथा उनीहरूका अभिभावकहरू उपस्थित रहेको समय एटेनियो डि मनिला युनिभर्सिटीमा यो घटना घटेको हो ।
पmुरिगे फिलिपिन्सको दक्षिणी अस्थिर सहर लामिटानका पूर्वमेयर हुन् । तर, प्रहरीले भने सन्दिग्ध हत्यारा र फुरिगेबीच लामो समयदेखि आपसी मनमुटाव रहेको हुनसक्ने संकेत गरेको छ ।
आक्रमणमा फुरिगेका एक सहयोगी र युनिभर्सिटीका एकजना सुरक्षाकर्मी पनि मारिएका हुन् । प्रहरीले अस्पतालमा उपचार भइरहेकी फुरिगेकी छोरीको स्वास्थ्य अवस्था स्थिर रहेको जनाएको छ ।
बीबीसीबाट ।
