काठमाडौं । पूर्वअर्थमन्त्री जनार्दन शर्मामाथि छानबिनका लागि गठन भएको संसदीय विशेष छानबिन समितिले बिहीबार शर्मासँग छलफल गर्ने भएको छ । 

सिंहदरबारमा बुधबार बसेको समिति बैठकले अर्थमन्त्रालयमा बाह्य व्यक्तिको प्रवेशका बारेमा समाचार लेख्ने दुईपत्रकारसँग छलफल गरेको थियो भने बिहीबार शर्मासँग छलफल गर्ने निर्णय भएको समिति सचिव सुरेन्द्र अर्यालले जानकारी दिए । 

यसअघि बुधबारकै बैठकमा शर्मालाई बोलाएर सोधपुछ गरिने बताइएको थियो । 

त्यस्तै, बिहीबार समिति गठन गरिएको १० दिन पूरा हुने भएकाले केही दिन म्याद थप गर्ने बिषयमा पनि छलफल भएको उनले जानकारी दिए । 

समितिले छानबिनका लागि समय अपुग भएको भन्दै सात दिन म्याद थप गर्नका लागि सभामुखसँग आग्रह गर्ने तयारी गरेको छ ।