काठमाडौं । चलचित्र ‘प्रकाश’ले प्रदर्शन अगावै ७५ प्रतिशत लगानी सुरक्षित गरिसकेको छ । भदौ १० गते रिलिज हुने चलचित्रले प्रदर्शन हुनु अगाडि नै ७५ प्रतिशत लगानी सुरक्षित गरेको हो ।
विदेश राइट्सबाट चलचित्रले लगानीको १ करोड ७२ लाख रुपैयाँ सुनिश्चित गरिसकेको हो ।
“भारत, अष्ट्रेलिया, न्युजिल्यान्ड, जापान, अमेरिका, क्यानडा, मिडिलइष्ट र युरोपका विभिन्न देशको राइट्स हामीले बिक्री गर्दा लगानीको करिब ७५ प्रतिशत रकम सुरक्षित गरिसकेका छौं,” चलचित्र ‘प्रकाश’ निर्माता महेन्द्र अधिकारीले भने, “बाँकी देशको राइट्स बिक्री गर्ने तयारीमा छौं । डिल भइरहेकाले चाँडै नै बाँकी देशको राइट्स पनि बिक्री हुन्छ । सबै देशको राइट्स बिक्री गर्दा हाम्रो लगानी विदेश राइट्सबाटै लगानी सुनिश्चित हुन्छ भन्ने हाम्रो विश्वास छ ।”
यद्यपि, अब कुनै पनि देशको राइट्स बिक्री नगरे पनि चलचित्रको लगानी नडुब्ने उनको भनाइ छ । चलचित्रमा साढे दुई करोड रुपैयाँ लगानी भएको निर्माता अधिकारीले जानकारी दिए ।
यस्तो छ चलचित्र ‘प्रकाश’को ट्रेलर
चलचित्रको फर्ष्ट लुक, पोस्टर र टिजरले नै राम्रो रेस्पोन्स पाएकाले विदेश राइट्स राम्रोसँग बिक्री भएको उनको भनाइ छ ।
“राम्रो चलचित्र निर्माण गरौं भन्ने मेरो सोच थियो । त्यसैले म राम्रो टिमको खोजीमा थिएँ,” महेन्द्र भन्छन्, “भाग्यले म दिनेश राउतको टिमसँग जोडिएँ । विषय र मिहिनेतले चलचित्र राम्रो बनेको छ ।” उनले चलचित्र निर्माण अघि आफूले केही समय रिसर्चसमेत गरेको बताए । जुम्लामा चलचित्र छायांकन गर्न सकिन्छ कि सकिँदैन भनेर पहिला रिसर्च गरेर सकिन्छ भनेपछि मात्रै गएको उनको भनाइ छ ।
प्रदीप खड्का भन्छन्– ‘प्रकाश’ मेरो दोस्रो जन्म हो
चलचित्र नेपालसँगै आठ देशमा चलचित्र एकसाथ रिलिज हुने निर्माण पक्षले जनाएको छ ।
दिनेश राउतको निर्देशन रहेको चलचित्रमा प्रदीप खड्का मुख्य भूमिकामा छन् । उनीसँगै चलचित्रमा दीया मास्के, रेणु योगी प्रकाश घिमिरेलगायत मुख्य भूमिकामा छन् । यसअघि चकलेटी हिरोको छवि बनाएका प्रदीपले पहिलोपटक क्यारेक्टर आर्टिस्टका रूपमा काम गरेका हुन् । यद्यपि, निर्माण पक्षले ‘प्रकाश’ कमर्सियल चलचित्र भएको दाबी गरेको छ ।
चलचित्रले शिक्षक बन्न एक युवाले गर्ने संघर्षको कथा भनेको छ । चलचित्रले मुख्य पात्रको माध्यमबाट बर्गिय विभेदको कुरा उठाइएको छ ।
‘जिद्धी’ निर्देशकसँग दीयाको करिअरकै टफ चलचित्र
विकास सुवेदीले लेखेको चलचित्र राजेश श्रेष्ठको खिचेका छन् । जीवन थापाको सम्पादन, सुवास भुषाल, दीपक शर्मा, तारा प्रकाश लिम्बू र एलिस कार्कीको संगीत, उत्तम न्यौपानेको साउण्ड डिजाइन र शैलेस श्रेष्ठको पाश्र्व संगीत छ ।
-1714190597.jpg)
