काठमाडौं । महिला हिंसाविरुद्ध अधिकारकर्मीले प्रदर्शन गरेका छन् । आइतबार काठमाडौंको माइतीघर मण्डलामा महिला अधिकारकर्मीहरूले महिलामाथि हुने सबै प्रकारका हिंसाविरुद्ध प्रदर्शन गरेका हुन् । 

पछिल्लो समय महिला हिंसाका घटना बढिरहेको तर राज्य उदासीन बनेको उनीहरूको आरोप छ । सरकारी तवरबाट नै बलात्कारजस्तो जघन्य अपराध र शारीरिक हिंसाका घटना मिलाउनेदेखि पीडितहरूको उजुरीसमेत नलिनेजस्ता गतिविधि भइरहेको उनीहरू बताउँछन् ।

उनीहरूले 'हामी निर्धक्कले बाँच्न चाहन्छौँ, हामीलाई बाच्न दे', 'म पीडितको पक्षमा छु', 'पीडितलाई दोष दिन बन्द गर', जस्ता नारा लेखिएका प्लेकार्ड बोकेका थिए ।

तस्बिरहरू : हरिशजंग क्षेत्री/बाह्रखरी