दाङ । दाङमा थप १५ जनामा कोरोना संक्रमण पुष्टि भएको छ । राप्ती स्वास्थ्य विज्ञान प्रतिष्ठानमा गरिएको पीसीआर परीक्षणका क्रममा बिहीबार थप १५ जनामा कोरोना पुष्टि भएको हो ।

प्रतिष्ठानका कायममुकायम रजिष्ट्रार कैलास प्रसाद देवका अनुसार बंगलाचुली गाउँपालिकाका ६, घोराही उपमहानगरपालिकाका ५, राजपुर गाउँपालिकाका ३ र बबई गाउँपालिकाका एक जनामा कोरोना संक्रमभण पुष्टि भएको हो ।  

उनका अनुसार बंगलाचुली गाउँपालिका वडा नं ३ का १७ र २२ वर्षीय पुरुष, बंगलाचुली गाउँपालिका वडा नं ४ का १६, १८, २३ र २४ वर्षीयमा कोरोना संक्रमण पुष्टि भएको छ । तीमध्ये २३ वर्षीया महिला रहेका छन् । 

त्यस्तै घोराही उपमहानगरपालिका वडा नं २ का १८ र २१ वर्षीय पुरुष तथा घोराही ९ का २२, २३ र ३६ वर्षीय पुरुषमा कोरोना संक्रमण पुष्टि भएको छ ।

त्यस्तै राजपुर गाउँपालिकाका वडा नं ३ का २७ बर्षीया र वडा नं ४ का २६ बर्षीया पुरुषमा पनि कोरोना पुष्टि भएको हो । त्यसैगरी बबई गाउँपालिका वडा नं ५ का १९ बर्षीया पुरुषमा पनि कोरोना पुष्टि भएको छ ।