‘सुन्तलीलाई भगाई लग्यो झिल्केले’को प्रचारप्रसारमा व्यस्त छु । 

सबैले राम्रो भनिरहनु भएको छ । चलचित्रको टिजर, ट्रलेर, गीत सबैको राम्रो प्रतिक्रिया आइरहेको छ । 

लिड रोल गरेको चलचित्रचाहिँ पहिलो हो । ‘सपना तिम्रो मेरो’मा पनि अभिनय गरेको थिएँ । तर, त्यसमा सपोर्टिङ रोलमा थिएँ । चलचित्र रिलिज हुने डेट नजिकिँदै जाँदा जति उत्साहित छु, त्यति नै डर पनि लागिरहेको छ ।

मलाई लाग्छ, अहिलेसम्म यस्तो विषयवस्तुमा चलचित्र बनेकै छैन । समाजमा रहेको पुरानो एउटा प्रथाका विषयलाई समेटेर चलचित्र निर्माण गरिएको छ ।

अहिले नभनौं कि । 

हो । 

अझै पनि मलाई लाग्छ, धेरैलाई यो जार प्रथाबारे थाहा छैन । स्वयं मलाई पनि थाहा थिएन । यही चलचित्रको स्क्रिप्ट हातमा आएपछि मात्रै थाहा भएको हो । सहरमा त झन् यो विषय अधिकांशलाई थाहै छैन । यही जार प्रथाका विषयमा चलचित्र केन्द्रित छ । 

म सुन्तलीको भूमिकामा छु । गाउँको सोझी केटी । सानै उमेरमा विवाह हुन्छ । श्रीमान् विदेश जान्छन् । यस्तो अवस्थामा म जवानीले उन्मत्त भएकी मलाई आफ्नो जवानी बचाउन निकै गाह्रो हुन्छ । पछि श्रीमान् विदेशबाट आएपछि घरमा तनाव सिर्जना हुन्छ । यस्तै–यस्तै छ कथा । 

मैले सकेको कोसिस गरेकी छु । म निर्माता–निर्देशकको आफन्त भएर वा चलचित्रमा पैसा हालेर हिरोइन भएकी होइन । म अडिसन दिएर चलचित्रका लागि सेलेक्ट भएकी हुँ । त्यसैले पनि मलाई सतप्रतिशत न्याय गरेकी छु भन्ने लागेको छ । साउन २१ ले थप स्पष्ट पार्ला । 

हो । मेरो अभिनय करियरका लागि यो कोसेढुंगा नै हो । यसबाट मैले धेरै अपेक्षा पनि गरेकी छु । आशा छ, राम्रो प्रतिक्रिया पनि आउनेछ ।

केही निर्माता तथा निर्देशकले अफर गर्नुभएको थियो । तर, मैले साउन २१ पछिमात्रै गर्छु भनेकी छु । पहिला मेरो काम हेरौं, अनि थप काम गर्न सजिलो हुन्छ भन्दै आएकी छु । ‘सुन्तलीलाई भगाई लग्यो झिल्केले’ फ्लप भयो भने चलचित्रमा काम नगर्ने हो ?

होइन, त्यस्तो होइन । चलचित्रमै काम गर्ने हो । तर, पहिला मैले गरेको काम हेरेर थप काम गर्यो भने मैले पनि आफ्नो कमजोरी सच्याउने अवसर पाउँछु भने निर्माता तथा निर्देशकलाई पनि मसँग गुनासो गर्ने ठाउँ रहँदैन । यसको मतलब मलाई मेरै कामप्रति विश्वास छैन भन्नेचाहिँ होइन । तर पनि हतार नगरौं भन्ने मात्रै हो । 

मैले पनि सुनेकी मात्रै हो । म त नयाँ पनि हुँ । त्यही भएर पनि मलाई यसको अनुभव छैन । तर, त्यस्तो नहोला । हाम्रो बजार सानो छ । बजार सानो भएपछि अपेक्षा गरेजस्तो त नहोला । तर, आशा गरौं विस्तारै राम्रो हुँदै जाला । 

आशा गरौं । विस्तारै राम्रो हुँदै गएको छ । केही चलचित्र राम्रो पनि बनेका छन् । राम्रा–राम्रा कलाकार तथा निर्माता निर्देशक पनि आइरहनु भएको छ । समयसँगै नेपाली चलचित्र उद्योग समृद्ध हुँदै जाला, कलाकारहरूले पनि उचित पारिश्रमिक पाउलान् । 

धेरै कारण हुन सक्छन् । त्यसमा आर्थिक सुरक्षा पनि एउटा कारण हुन सक्छ । समय, प्रविधि र विषयवस्तुसँग अपडेट नभएर पनि हुनसक्छ । दर्शकको टेस्टअनुसार नयाँ कुरा दिन सक्नुपर्छ । त्यो नहुनु पनि अर्को कारण हुनसक्छ ।

मलाई त पछिल्लो धार नै मन पर्छ । टिपिकल नेपाली भाषा, विषय र प्रस्तुति नै मेरो पनि रोजाइ हो । त्यसैले मूल धारभन्दा पनि फरक धार नै मैले इन्टरटेन गर्ने धार हो । 

यो सही हो । तर, मेरो सन्दर्भमा भने यो लागू भएन । म सानैदेखि गीत गाउन, नाच्न र अभिनय गर्न रुचाउँथें । परिवारले सपोर्ट नै गर्यो । कक्षा १२ मा अध्ययन गर्दादेखि नै मैले मोडलिङ गर्न सुरु गरें । परिवारको सधैं साथ नै रह्यो । म आफू स्वयं पनि मिडियापर्सन भएकाले के गर्न हुन्छ र के गर्न हुँदैन भन्ने थाहा छ । परिवारलाई पनि मप्रति विश्वास छ । त्यसैले पनि अवरोध हैन, साथ नै पाइरहेकी छु । 

दुर्गम ठाउँमा सुटिङ थियो । हामीले ओखलढुंगा गएर त्यहीँ बसेर सुटिङ गरेका थियौं । त्यहाँ ट्वाइलेटका लागि झण्डै आधा घण्टा हिँड्नुपर्ने रहेछ । फोनको नेटवर्क पनि नहुने । काठमाडौंमा जस्तो सहज बसाइथिएन । मेरा लागि यो नौलो अनुभव थियो ।

 

तस्बिरः राेजित खड्का