काठमाडौं । अख्तियार दुरुपयोग अनुसन्धान आयोगका प्रमुख आयुक्त लोकमान सिंह कार्कीको घरमा सर्वोच्च अदालतका तामेलदारहरुले बुधवार पर्चा खडा गरी म्याद तामेल गर्दैछन् ।

व्यक्तिका नाममा जारी भएको म्याद निजलाई बुझाउन नसके पर्चा खडा गरी घरमा टाँस गर्ने प्रचलन छ । यसरी टाँसिएको पर्चा म्याद बुझाएसरह मानिन्छ । 

आयोगमा कार्कीको नियुक्तिको निर्णयका सम्बन्धमा पुनः सुनुवाई गर्ने सर्वोच्चको निर्णयपछि जारी भएको म्याद कार्कीलाई बुझाउन नसकेपछि यसरी पर्चा खडा गरी घरमा म्याद टाँस गर्न लागिएको हो ।