राजनीति
काठमाडौं । नेकपा (एकीकृत समाजवादी)का नेता झलनाथ खनालले वाम एकता मुलुकको आवश्यकता भएको बताएका छन् ।
शुक्रबार प्रतिनिधिसभा बैठकमा भाग लिन संसद् भवन पुगेका नेता खनालले सञ्चारकर्मीसँगको संक्षिप्त कुराकानीमा वाम एकता आवश्यक भए पनि वामपन्थी आन्दोलनका शीर्ष नेताहरू एकताको पक्षमा नरहेको बताए ।
"मुलुकको आवश्यकतालाई हेर्ने हो भने वाम एकता आवश्यक हो, तर वामपन्थी आन्दोलनका नेताहरू नै एकताको पक्षमा छैनन् । जबसम्म नेताहरूले एकताको आवश्यकता किन हो ? यसको ऐतिहासिकता के हो भन्ने कुरा जहिलेसम्म बुझ्दैनन् त्यतिबेलासम्म वाम एकता सम्भव हुँदैन," उनले भने ।
उनले बजेटमाथिको छलफलमा उपस्थित नभएर सांसहरूले उपेक्षा गरेको बताए ।
प्रकाशित मिति: शुक्रबार, जेठ २०, २०७९ २०:२३
प्रतिक्रिया दिनुहोस्