काठमाडौं । नेकपा (एकीकृत समाजवादी)ले स्थानीय चुनावमा गठबन्धनबाट पोखरा महानरपालिका दिनुपर्ने माग गरेको छ ।

सत्ता गठबन्धनमा महानगरपालिकाको नेतृत्व बाँडफाँटमा सहमति जुटाउन आइतबार बसेको बैठकमा एकीकृत समाजवादीले पोखरा महानगर र तीनवटा उपमहानगर दिनुपर्ने माग राखेको हो ।

स्रोतकाअनुसार एकीकृत समाजवादीले उपमहानगरमा बुटवल, हेटौँडा र इटहरी मागेको छ ।

बैठकमा माओवादी केन्द्रले भने भरतपुर महानगर नछोड्ने अडान राखेको थियो । उपमहानगरमा उसले घोराही र जितपुरसिमरा मागेको छ ।

जसपाले वीरगन्ज मागेको छ ।

बैठकमा कांग्रेस महामन्त्री गगन थापाले महानगरबाट आफ्ना प्रतिनिधिले दिएको सुझावअनुसार आफूहरूले एकठाउँको पनि नेतृत्व दिने अवस्था नभएको बताएका थिए ।

अब शीर्ष नेतृत्वतले बाँडफाँड गर्ने बताइएको छ ।