काठमाडौं । लुम्बिनी विद्युत उद्योग प्रा.लि.ले बुटवलमा पावर पाटनर्स मिट आयोजना गरेको छ । कम्पनीले लिट्मस केवल ब्राण्डअन्तर्गत आधुनिक जर्मन प्रविधि एवं अत्याधुनिक पूर्वाधार प्रयोग गरी विभिन्न प्रकारका तार र केबलहरू उत्पादन गर्दै आएको छ ।
कार्यक्रममा कम्पनीलाई नयाँ उचाईमा पुर्याउन पार्टनरहरुको मिहिनेत र योगदानलाई सम्मान गर्दै कम्पनीका आगामी रणनीति र भावी योजनाबारे छलफल गरेको थियो । लिट्मस केवलका ब्राण्ड एम्बेसेडर महानायक राजेश हमालले सम्मानित व्यक्तिहरुलाई सम्मान गरेका थिए । उनले लुम्बिनी विद्युत उद्योगको अवलोकन पनि गरे ।
कम्पनीका अध्यक्ष तथा प्रबन्ध निर्देशक रोहित गुप्ताले डिलरहरुको मिहिनेतबाट कम्पनीले नयाँ उचाई हासिल गरेको बताए । “यो उचाई कायम राख्न अझै बढी ग्राहक सेवामा केन्द्रित रही बिक्री सेवामा सुधार गर्दै जानुपर्छ । साथै, ग्राहकहरुको विश्वास जित्दै कम्पनीको लक्ष्य हासिल गर्न हामी निरन्तर लागि पर्नुपर्छ” उनले भने ।
सन् १९७७ मा स्थापित लुम्बिनी विद्युत् उद्योग प्रा.लि.नेपालको पहिलो आल्मुनियम कन्डक्टर स्टील रिइन्फोर्स कन्डक्टर निर्माण कम्पनी हो ।
