काठमाडौं । सेयर बजार परिसूचक नेप्सेमा भारी गिरावट भएको छ ।
सत्तासाझेदार दल नेकपा (माओवादी केन्द्र)का अध्यक्ष पुष्पकमल दाहाल प्रचण्ड)ले गएको शनिबार ‘सेयर बजार भनेको साम्राज्यवादको विकसित रूप भएको टिप्पणी गरेका थिए ।
लगातार घटिरहेको सेयर बजारमा प्रचण्डको उक्त अभिव्यक्तिले नुनचुकको काम गरेको छ । आइतबार ८७ अंकको उच्च गिरावट भएको बजारमा आज पनि झनै भारी गिरावट हुने संकेत देखिएको छ ।
आइतबार दिउँसो १ बजेर २७ मिनेटमा बजार परिसूचक नेप्से १००.८२ अंककले गिरावट भएर २२६०.४२ अंकमा झरेको छ ।
प्रचण्को उक्त टिप्णणीले ‘पेनिक’ बनेका लगानीकर्ता आइतबार राति उनका स्वकीयसचिव रमेश मल्लले प्रचण्डको भनाइ सैद्धान्तकि रूपमा सही भएको बताएसँगै बजारमा झनै उच्च प्रभाव परेको छ ।
नेप्सेमा उच्च गिरावट हुँदा दिउँसो १ बजेर २७ मिनेटसम्म दुई अर्ब ५५ करोडको कारोबार भएको छ । १८९ कम्पनीको सेयर कारोबारमा आएकोमा १८८ कम्पनीको सेयर मूल्य घटेको छ भने बोटलर्स नेपाल तराईको सेयर मूल्य मात्रै बढेको छ ।