काठमाडौं । नेपाल राष्ट्र बैंकले विकास बैंक,वित्त कम्पनी र थोक कर्जाको कारोबार गर्ने लघुवित्तलाई पनि ऋणपत्र जारी गर्नुपर्ने व्यवस्था गरेको छ ।

आर्थिक वषृ २०७८/०७९ को मौद्रिक नीति सार्वजनिक गर्दै गभर्नर महाप्रसाद अधिकारीले वाणिज्य बैंकहरूका अतिरिक्त राष्ट्रिय स्तरका विकास बैंक, वित्त कम्पनी र थोक कारोबार गर्ने लघुवित्तलेसमेत आफ्नो चुक्ता पुँजीको २५ प्रतिशत ऋणपत्र जारी गर्ने व्यवस्था गर्ने बताए ।

यसअघि वाणिज्य बैंकहरुले चुक्ता पुँजीको २५ प्रतिशत ऋणपत्र अनिवार्य रूपमा जारी गर्नुपर्ने व्यवस्था रहेको थियो ।