काठमाडौं । पाँचौ संस्करणको एनभीए राष्ट्रिय महिला तथा पुरुष क्लब लिग भलिबल च्याम्पियनसिप अन्तर्गत महिलातर्फको खेलमा विभागीय टिम एपीएफ क्लबले पुनारागमन जित निकालेको छ ।

सोमबार भएको विभागीय डर्बीमा एपीएफले आर्मीलाई ३–१ को सेटमा पराजित गरेको हो । त्रिपुरेश्वरस्थित राखेपको कर्भडहलमा पहिलो सेट २५–१९ मा गुमाएको एपीएफले लगातार तीन सेटमा जित निकाल्यो । 

एपीएफले त्यसपछि सेट २५–१०, २५–१७ र २५–२२ ले जित्दै खेल आफ्नो नतिजा पक्षमा पार्न सफल भयो ।
प्रतियोगिता अन्तर्गत नै सोमबार भएको पहिलो खेलमा भरतपुर मेट्रो खेलकुद परिषद्ले ढोरपाटन स्पोर्ट्स क्लबलाई ३–० को सेटमा

पराजित गर्दै पहिलो जित निकालेको थियो । पहिलो जित निकाल्ने क्रममा भरतपुरले ढोरपाटनमाथि २५–२१ , २५–१२ र २५–१३ को सेटमा हरायो ।

तस्बिर : सुनिल प्रधान
 

सोमबार, चैत २३, २०७७ मा प्रकाशित