बाह्रखरी
भर्खरै
sticky  ncell
Samsung
coke
British college
Samsung
coke
British college
देश प्रतिक्रिया दिनुहोस्
Jagadamba Group
Jagadamba Group
नेपालमा प्रत्येक दिन आफन्तबाटै हुन्छन् चारजना बलात्कृत
Godraj friday
Godraj friday
केशवराज जोशी
बाह्रखरी - केशवराज जोशी आइतबार, फागुन १६, २०७७
Laxmi Bank
Laxmi Bank

काठमाडौं । नेपालमा प्रत्येक दिन औषतमा चारजना युवती आफन्त र चिनजानकै व्यक्तिबाट बलात्कृत हुने गरेको पाइएको छ ।

प्रहरी प्रधान कार्यालयको पछिल्लो ४५ महिना अर्थात् १३ सय ५० दिनको तथ्याङ्कले यस्तो देखाएको हो । 

प्रहरी प्रवक्ता एसएसपी वसन्तबहादुर कुवँर १० प्रतिशत बलात्कारका घटनामा हाडनाता पर्ने आफन्त र ७० प्रतिशत घटनामा नातासँगै चिनेजानेका व्यक्तिको संलग्नता देखिएको छ । 

Rohto Landing

Agani Group

प्रहरी अनुसन्धानमा पनि अधिकांश बलात्कारका घटनामा चिनजानकै व्यक्तिको संलग्नता पुष्टि हुँदै आएको छ ।

पछिल्ला तीन आर्थिक र चालुवर्षको पुस मसान्तसम्म ४५ महिनाको अवधिमा सात हजार ८६ वटा बलात्कारका मुद्दा दर्ता भएका छन् । 

sarbottam cement

जसमा पाँचहजार तीनसय ८९ जना आफन्त र चिनजानकै व्यक्तिबाट बलात्कृत भएका छन् । पछिल्ला ४५ महिना अर्थात् एक हजार तीन सय ५० दिनको अवधिमा आफन्त र चिनजानबाट भएकाको तथ्याङ्क हेर्ने हो भने दैनिक चारजना महिला आफन्तबाटै बलात्कृत हुने गरेको देखिन्छ । 

आर्थिक वर्ष ०७४–०७५ मा देशभर १४ सय ५३ बलात्कारका मुद्दा दर्ता भए । 

जसमा तीनसय ८४ जनामात्रै अपरिचितबाट बलात्कृत भएको प्रहरी प्रधान कार्यालयको तथ्याङ्कले देखाउँछ । 

यो अवधिमा हजुरबुबाबाट १६, झड्केलो बुबाबाट ४४, ससुराबाट ९, छोराबाट आमा ५, काका–मामा–ठूलो बुबाबाट १७, दाजु–मामाको छोराबाट २४ जना बलात्कृत भए । 

यस्तै देवर–जेठाजुबाट १०, श्रीमानबाट ११, भदाबाट १,  घर मालिकबाट ३, केटा साथीबाट ७४, छिमेकीबाट ५६८, शिक्षकबाट ५, अन्य चिनेजानेकोबाट ५०२ पारपाचुके भएको श्रीमानबाट १  र नचिनेकाबाट ३८४ बलात्कारका घटना भए । 

आर्थिक वर्ष ०७५–०७६ मा बलात्कारका २२ सय ३० घटना दर्ता भए । जसमा अपरिचितबाट ५३२ बलात्कारका घटना भए भने अन्य सबै परिचितबाट । 

यो अवधिमा हजुरबुबाबाट १०, बुबा–झड्केलोबाट ५२, ससुराबाट १०, आमा छोराबाट ५, काका–मामा र ठूलोबुबाबाट २८, दाजुभाई, काका, मामाको छोराबाट २५, देवर जेठाजुबाट ९, श्रीमानबाट २८, घरमालिकबाट २, केटा साथीबाट ११५ र छिमेकीबाट ६८५ बलात्कारका घटना भए । 

यस्तै भिनाजुबाट २, शिक्षकबाट १४, अन्य चिनेजानेकोबाट एकहजार ४५, पारपाचुके भएको श्रीमानबाट १० र एक घटनामा कसको संलग्नता थियो खुलेको छैन  । 

आर्थिक वर्ष ०७६–७७ मा देशभर २१ सय ९४ बलात्कारका मुद्दा दर्ता भए । २१ सय ४४ मध्ये ४९७ बलात्कारका घटनामा अपरिचितको संलग्नता देखियो भने अन्य सबै घटनामा आफन्त र चिनजानेकैको संलग्नता देखियो । 

यो अवधिमा हजुरबुबाबाट १५, बुबा– झड्केलोबाट ४७, ससुराबाट ८, आमा–छोरा ३, काका–मामा र ठूलो बुबाबाट ४१, दाजुभाइ, काका, मामाको छोराबाट ३२, देवर जेठाजुबाट १३, श्रीमानबाट ३६,घर मालिकबाट ३, केटा साथीबाट ९३ र छिमेकीबाट ६७२  बलात्कारका घटना भए । 

यस्तै भिनाजुबाट ५, शिक्षकबाट ४५, अन्य चिनेजानेकोबाट ९ सय १५ पारपाचुके भएको श्रीमानबाट २८ र ५ वटा घटनामा कसको संलग्नता थियो खुलेको छैन  । 

चालु आर्थिक वर्षको पुस मसान्तसम्म १२ सय ५९ बलात्कारका मुद्दा दर्ता भएका छन् । 

जसमा अपरिचितबाट २८४ घटना भएका छन् । अन्य सबै घटनामा आफन्तदेखि चिनजानकै व्यक्तिको संलग्नता देखिएको छ । 

यो अवधिमा हजुरबुबाबाट ७, बुबा–झड्केलोबाट ३९, ससुराबाट ६, आमा छोरा ४, काका–मामा र ठूलो बुबाबाट २७, काका, ठूलो बाबुबाट २८, देवर जेठाजुबाट १४, श्रीमानबाट २१, घर मालिकबाट ४, केटा साथीबाट ४१ र छिमेकीबाट ४३७ बलात्कारका घटना भए । 

यस्तै भिनाजुबाट ३, शिक्षकबाट ३, अन्य चिनेजानेकोबाट ५०६, पारपाचुके भएको श्रीमानबाट ३ वटा बलात्कारका घटना भएका छन् । 

प्रहरी प्रधान कार्यालयको यो तथ्याङ्क हेर्ने हो भने परिवारकै सदस्य र चिनजानकै व्यक्तिबाट बलात्कारका घटना हुने गरेको देखिन्छ । 

प्रहरी प्रवक्ता एसएसपी वसन्तबहादुर कुवँर भन्छन्,“यसमा परिवार र समाज नै सबैभन्दा बढी सचेत हुनुपर्ने देखिन्छ । पीडित र पीडक दुवैका परिवारले यस्ता प्रकारका गतिविधि निरुत्साहित गर्नुपर्छ । परिवारका सदस्यको निगरानी राख्नुपर्ने हुन्छ ।”

प्रवक्ता कुवँर आफन्तबाट हुने घटना मनसायपूर्ण तरिकाले हुने गरेको भन्दै यसमा सचेत हुनुपर्नेमा जोड दिन्छन् । 

Nepal Investment bank
Sunrise bank
Nepal Investment bank
Sunrise bank
आइतबार, फागुन १६, २०७७ मा प्रकाशित
TATA Landing
TATA Landing
प्रतिक्रिया दिनुहोस्