देश
काठमाडौं । बाराबाट स्रोत नखुलेको २५ लाख ३५ हजार नेपाली रुपैयाँसहित दुईजना पक्राउ परेका छन् । कलैया उपमहानगरपालिका–८, बरेवा टोलस्थित कलैया–मटिअर्वा सडकबाट उनीहरु पक्राउ परेका हुन् ।
पक्राउ पर्नेहरुमा भारतको बिहार बस्नेहरू ३५ वर्षीय चन्द्रशेखर प्रसाद र ३८ वर्षीय सन्जय कुमार रहेका छन् ।
जिल्ला प्रहरी कार्यालय बाराबाट खटिएको प्रहरीले बीआर०५के ०७९८ नम्बरको भारतीय मोटरसाइकल जाँच गर्दा चालक चन्द्रशेखर र मोटरसाइकलमा सवार सन्जयको साथमा तथा मोटरसाइकलको डिक्कीमा समेत लुकाइराखेको अवस्थामा एक हजार दरका एक हजार ७७२ थान र ५०० दरका एक हजार ५२६ थान गरी उक्त रकम फेला पारी उनीहरुलाई पक्राउ गरेको हो ।
प्रकाशित मिति: बिहीबार, फागुन १३, २०७७ १२:५१
प्रतिक्रिया दिनुहोस्