बाह्रखरी
sticky  ncell
Samsung
Daraz
British college
Samsung
Daraz
British college
विदेश प्रतिक्रिया दिनुहोस्
Jagadamba Group
Jagadamba Group
ब्राजिलमा दुई लाख २२ हजार कोभिड–१९ संक्रमितको मृत्यु
बाह्रखरी - शनिबार, माघ १७, २०७७
Laxmi Bank
Laxmi Bank
Godraj nepal
Godraj nepal

रियो दि जेनेरियो । ब्राजिलमा करिब एक वर्षको अन्तरालमा दुई लाख २२ हजार ६६६ कोभिड–१९ संक्रमित व्यक्तिको मृत्यु भएको ब्राजिलको स्वास्थ्य मन्त्रालयले शनिबार पुष्टि गरेको छ । यस महामारीका कारण विगत २४ घण्टामा एक हजार ११९ व्यक्तिको मृत्यु भएको बताइएको छ ।

यसैगरी, ब्राजिलमा विगत २४ घण्टामा कोभिडबाट थप संक्रमित भएका व्यक्तिको संख्या ५९ हजार ८२६ पुगेको र अहिलेसम्म ब्राजिलमा ९१ लाख १८ हजारभन्दा बढीलाई कोभिड–१९ संक्रमण पुष्टि भएको छ ।

Agani Group

ब्राजिलको बढी जनसंख्या रहेको साओ पाउलो राज्य सबैभन्दा बढी प्रभावित क्षेत्र हो । यहाँ १७ लाख ५९ हजार व्यक्ति संक्रमित भएका र ५२ हजार ७२२ व्यक्तिको यसै कारण मृत्यु भएको छ । त्यसैगरी, अर्को बढी प्रभावित राज्य रियो दि जेनेरियोमा पाँच लाख १६ हजारभन्दा बढी संक्रमित भएका र २९ हजार ५६३ व्यक्तिको मृत्यु भएको छ ।

अमेरिकापछि विश्वकै बढी कोभिड संक्रमित रहेको मुलुक भारत हो । यद्यपि, मृत्युका हिसाबले ब्राजिल दोस्रो बढी प्रभावित मुलुक मानिन्छ । ब्राजिलको उत्तरी राज्य अम्याजोन्समा नयाँ प्रकारको भाइरस फेला परेको र यो पहिलेकोभन्दा संक्रमणका हिसाबले कैयौँ गुणा खतरा हुने विशेषज्ञहरूले बताएका छन् ।

sarbottam cement

ब्राजिलमा संक्रमण दर उच्च रहेपछि बेलायत, पोर्चुगल, इटाली, कोलम्बिया, टर्की, पेरू र इजरायललगायतका मुलुकले ब्राजिलका लागि अन्तर्राष्ट्रिय उडानलाई अनिश्चितकालका लागि रोकेका छन् । रासस/सिन्ह्वा
तस्बिरः गेट्टी इमेजेज् ।

Nepal Investment bank
Sunrise bank
Nepal Investment bank
Sunrise bank
शनिबार, माघ १७, २०७७ मा प्रकाशित
TATA Landing
TATA Landing
प्रतिक्रिया दिनुहोस्