बाह्रखरी
Ncell inner sticky
देश प्रतिक्रिया दिनुहोस्
Jagadamba Group
Jagadamba Group
झरीले छेकेन घर जाने चाहना...
KNP nepal
KNP nepal
बाह्रखरी - मंगलबार, वैशाख ९, २०७७
Laxmi Bank
Laxmi Bank

काठमाडौं । आज लकडाउनको २९औं दिन । गएरातिदेखिको झरी लगभग दिनभरी नै चलिरह्यो । तर, झरीलाई पर्वाह नगरी सर्वसाधारणहरूको भिड आफ्नो घर जानका लागि काठमाडौंका नाकाहरूमा देख्न सकिन्थ्यो ।

स्थानीय निकायहरूले काठमाडौंमा अलपत्र परेका आफ्नो क्षेत्रका मानिसलाई सवारीसाधनको व्यवस्था गरी लैजाने व्यवस्था मिलाउन थालेपछि काठमाडौंको जडीबुटी क्षेत्रमा घरजानेको भिड उसै गरी लागेको थियो । लकडाउन लम्बिँदै गएपछि काठमाडौंमा समस्यामा परेका केही मानिस हिँडेरै घर जान थालेको र त्यसले थप जोखिम निम्त्याउने भएपछि अधिकांश स्थानीय तहले आफैं सवारीसाधनको व्यवस्था गरी लैजान थालेका हुन् । 

Duber nepal

Agani Group

लकडाउन सुरु भएको एक महिना पुग्न लाग्दा पनि खुल्ने सम्भावना नदेखिएको र दैनिक काम गरी खानुपर्नेहरूलाई समस्या परेपछि हिँडेरै घर जानेको संख्या बढ्दै गएको थियो । तर यसबाट थप जोखिम हुन सक्ने भन्दै केही जनप्रतिनिधि र स्थानीय तहले आफैं सावारीसाधनको व्यवस्थापन गरी मानिसहरूलाई गन्तव्यसम्म लैजाने व्यवस्था मिलाएका हुन् ।

यस्तै समस्यामा परेका मानिसलाई पहुँचका आधारमा मात्र लैजान थालिएको भन्दै गाउँपालिका राष्ट्रिय महासंघले त्यसो नगर्न आग्रह गरेको छ । सरकारले लकडाउन अवधिभर जो जहाँ छ त्यहीं बस्नुपर्ने र खाद्य सामग्री अभाव भए सरकार र स्थानीय तहले राहतको व्यवस्था गर्ने बताउँदै आएको छ ।

तर राहत थोरै हुने र यसले जीविकोपार्जनका लागि नपुग्ने भएपछि मानिसहरू हिँडेरै घरतिर जान थालेका थिए । यसबाट झन् ठूलो समस्या आउने भएपछि कतिपय जनप्रतिनिधि र स्थानीय तहले आफ्नो क्षेत्रका मानिसको उद्धार गर्न लागेका हुन् । 

पानी परिरहेको अवस्थामा पनि सयौंको संख्यामा मानिस सवारीसाधनको प्रतीक्षा गरिरहेको देख्न सकिन्थ्यो । सुरक्षाकर्मीहरूले समेत सहजीकरणको काम गरिरहेको देखिन्थ्यो । स्थानीय तह र जनप्रतिनिधिहरूले न्यूनतम स्वास्थ्य प्रोटोकलको पालना गर्दै सुरक्षित साथ गन्तव्यमा पुर्‍याउने कामलाई व्यवस्थित बनाउन लागेको देखिन्छ ।

Nepal Investment bank
Nepal Investment bank
मंगलबार, वैशाख ९, २०७७ मा प्रकाशित
TATA Landing
TATA Landing
प्रतिक्रिया दिनुहोस्