बाह्रखरी
Ncell inner sticky
देश प्रतिक्रिया दिनुहोस्
Jagadamba Group
Jagadamba Group
सुनचांँदी व्यवसायीद्वारा बेसाहारालाई दैनिक भोजन
KNP nepal
KNP nepal
बाह्रखरी - आइतबार, वैशाख ७, २०७७
Laxmi Bank
Laxmi Bank

चितवन । लकडाउनको समयमा काम र माम नपाएका सडक बालबालिका, विपन्न, जोगी, र दैनिक ज्याला मजदुरलाई चितवनका सुनचांँदी व्यवसायीहरूले दैनिक भोजन खुवाएका छन् ।

चितवनका व्यवसायीको चार संस्थाको समन्वयमा चैत २९ देखि भोजन खुवाउन थालिएको हो । लकडाउनको समयमा खाना नपाएर भोकै रहेका त्यस्ता वर्गलाई मानवीय धर्म निर्वाह गर्ने उद्देश्यले दैनिक भोजन खुवाउने अभियान थालिएको नेपाल सुनचांँदी व्यवसायी महासंघका केन्द्रीय उपाध्यक्ष विपिन रामुदामुले बताए । 

Duber nepal

Agani Group

“लकडाउनको समयमा राज्यसमेत उदासीन छ,” उनले भने, “हामीले मानवीय धर्म र सामाजिक उत्तरदायित्व बहन गरेका हौं ।” उनका अनुसार दैनिक १२५ देखि १४० जनालाई त्यस्ता बेसहारालाई खाना खुवाइँदै आइएको छ । 

पहिलो चरणमा वैशाख १५ सम्म बिहानको खाना खुवाइने र लकडाउन लम्बिँदै गए पनि भोजन खुवाउने कामलाई निरन्तरता दिइने संयोजकसमेत रहेका रामुदामुको भनाइ छ ।
हाल ती संस्थाले उद्योग वाणिज्य संघ, चितवनको परिसरमा भोजन वितरण गरिरहेको छ । 

मागेरसम्म खान नसक्ने, एकछाक पनि खान नपाउने व्यक्तिहरूलाई खान खुवाउंँदा समाजमा सकारात्मक सन्देश जाने सुनचाँदी बचत तथा ऋण सहकारी संस्था चितवनका अध्यक्ष बाबुराम रामुदामुको भनाइ छ । उनका अनुसार चारवटै संस्थाको कोषबाट उनीहरूलाई भोजन वितरण गरिएको छ । 

अहिले नारायणगढ बजारवरिपरि रहेका त्यस्ता व्यक्तिहरूलाई लक्षित गरी खाना खुवाइएको हो । नेपाल सुनचांँदी व्यवसायी संघ चितवन, सुनचांँदी वचत तथा ऋण सहकारी संस्था, विश्वकर्मा बचत तथा ऋण सहकारी संस्था र विश्वकर्मा सुनचांँदी व्यवसायी सञ्जालको संयुक्त पहलमा अभियान सञ्चालन गरिएको हो । 
 

Nepal Investment bank
Nepal Investment bank
आइतबार, वैशाख ७, २०७७ मा प्रकाशित
TATA Landing
TATA Landing
प्रतिक्रिया दिनुहोस्