बाह्रखरी
भर्खरै
sticky  ncell
British college
British college
बाह्रखरी गल्फ प्रतिक्रिया दिनुहोस्
Jagadamba Group
Jagadamba Group
नेपालको समृद्धि र भविष्य पर्यटनकै काँधमा छ महेश शर्मा ढकाल– निमित्त प्रमुख कार्यकारी अधिकृत, ग्लोबल आईएमई बैंक
NMB Bank
NMB Bank
बाह्रखरी - सोमबार, असोज १३, २०७६
Laxmi Bank
Laxmi Bank
Sunrise bank
Sunrise bank

नेपालको पर्यटन प्रवर्द्धन, नेपाल भ्रमण वर्ष २०२० सफल बनाउन तथा गल्फ खेलको विकासका लागि बाह्रखरी मिडियाले यसवर्ष सगरमाथा क्षेत्रमा अर्थात् गल्फ प्रतियोगिता आयोजना गरेको छ । सम्भवतः संसारकै अग्लो स्थानमा गल्फ प्रतियोगिता हुँदा नेपालको पर्यटन प्रवर्द्धनमा महत्वपूर्ण योगदान पुग्ने ग्लोबल आईएमई बैंकका निमित्त प्रमुख कार्यकारी अधिकृत महेश शर्मा ढकाल बताउँछन् ।
नेपालको पर्यटन प्रवर्द्धन र गल्फमा केन्द्रित रहेर ग्लोबल आईएमई बैंकका निमित्त प्रमुख कार्यकारी अधिकृत ढकालसँग गरिएको कुराकानीः

नेपालमा खेलकुद र पर्यटनको सम्भावनालाई कसरी नियाल्नुभएको छ ?

नेपाल पर्यटन र खेलकुद दुवैको सम्भावना बोकेको मुलुक हो । पर्यटनको कुरा गर्दा नेपालमा आयआर्जनको मूख्य स्रोतमध्ये पर्यटन पर्दछ । नेपाल पर्यटनको सम्भावना बोकेको मुलुक भएकाले यसको प्रवद्र्धन गरिए नेपालको समृद्धि र भविष्य पर्यटनकै काँधमा छ । खेलकुदको हकमा नेपालमा खेलकुदप्रतिको जागरण बढेको छ । युवापुस्ता फुटबल, क्रिकेटलगायत अन्य खेलमा युवाहरुको सहभागिता बढ्दो छ । नेपाल स्वयम्ले पनि विभिन्न राष्ट्रिय तथा अन्तर्राष्ट्रिय खेलकुद प्रतियोगिता आयोजना गर्दै आएको छ ।

Global bank

Agani Group

यसैगरी अन्तर्राष्ट्रिय जगतमा सहभागिता भइ थुप्रै उपलब्धि हासिल हुँदै आएको छ । अन्तर्राष्ट्रिय स्तरमा नेपालप्रतिको चासो छ । भारतीय प्रधानमन्त्रीले समेत नेपाली खेलाडीको नाम लिनुले नेपालको खेलकुदको चर्चा चुलिँदो छ । अर्कोतर्फ स्वस्थ रहन पनि विभिन्न प्रकारको खेल खेलिन्छ ।

sarbottam cement

खेलकुदको धेरै आयाममध्ये गल्फ पनि एक हो । यो खेललाई कसरी लिनु भएको छ ?

नेपालमा गल्फ धेरै गतिविधि हुने गरेका छैनन् । गल्फ खेल्ने खेलाडीको संख्या पनि कमै छ । तर, उहाँहरुको आस्था, उपस्थिति र सक्रियता निकै छ ।

नेपालमा हुने गल्फ प्रतियोगिता र यसले भित्र्याउने ‘हाइ–एन्ड टुरिस्ट’ प्रति तपाईंको बुझाइ के छ ?

गल्फ नेपाललाई विश्वमा चिनाउने एउटा माध्यम बन्न सक्छ । तपाईंले भनेझैं गल्फ खेलले हाइ–एन्ड टुरिस्ट पक्कै भित्र्याउँछ । अग्लाअग्ला हिमाललाई पृष्ठभूमिमा राखेर गल्फ खेल्दा नेपाल विश्वमा चिचिन्छ र साथसाथै महंगो खेल भनेर चिनिने गल्फले अर्थतन्त्रमा ठूलो मात्रामा योगदान दिन्छ ।

साँच्चै गल्फले विभिन्न देशका हाइ–एन्ड पर्यटक भित्र्याउँछ । बैंकका प्रमुख कार्यकारी अधिकृत, उच्च ओहोदा सरकारी अधिकारी, खेलाडीहरु, चियरम्यान, सेलिब्रिटी जोजो गल्फ खेल्छन्, उनीहरुलाई भित्र्याउन सकिन्छ । अनि उनीहरुले पार्ने प्रभाव भनेको दीर्घकालीन हुन्छ । नेपालको प्रभावकारी प्रचारप्रसार हुन्छ ।

नेपाल गल्फ खेल्न लायक भूमि हो भनेर कसरी मान्नुहुन्छ ?

बाह्रैमास गल्फ खेल्न सकिने मुलुक नेपाललाई गल्फको निकै सम्भावना बोकेको मुलुक मानिन्छ । मौसमले साथ दिएकै छ भूबनोटले साथ दिएको छ । बाहरिजस्तो पर्याप्त ठाउँ नभए पनि जेजति छ सबैलाई विस्तार गर्दै गल्फ कोर्स बनाउन सकिन्छ । खप्तड जस्ता प्राकृतिक गल्फ कोर्स छन् । मैदान ग्रिनरी मेन्टेन गर्न सके त्यहीँ गल्फ खेल्न सकिन्छ ।

बाह्रखरीले आफ्नो संस्था र केही निजी क्षेत्रका लागिमात्र गल्फ प्रतियोगिता आयोजना गरेको हामीलाइ महसुस हुँदैन । देशकै पर्यटन प्रवर्द्धन गर्न उसको भूमिका देखिन्छ । नेपाल भ्रमण वर्ष २०२० को पूर्वसन्ध्यामा यस्तो किसिमको कार्यक्रम आयोजना हुँदा संसारमै पर्यटन र खेलकुदमा नेपाली अगाडि छ भन्ने सन्देश जान्छ ।
खेलाडी तथा मिडिया कभरेजका आधारमा नेपाल विश्वमै परिचित हुन्छ । यसमा सरकार र निजीक्षेत्रले साथ दिएको छ ।

यो देशका लागि अवसर हो । हाइ–एन्ड पर्यटक आउने भएकाले अर्थतन्त्रमा योगदान त हुन्छ नै । तर मैले यसअघि भने झैं प्रचारप्रसार पनि उल्लेख्य मात्रामा हुन्छ । हामीलाई यो सोच र कन्सेप्ट नयाँ लाग्यो । देशलाई विदेशमा चिनाउने अवसर भएका कारण हामी यो प्रतियोगितालाई साथ दिनुपर्ने भाव विकास भयो । 

भविष्यमा निजीक्षेत्र यसरी नै मिलेर देशमा हाइ–एन्ड टुरिजम कसरी प्रवद्र्धन गर्न सक्छन् ?

एकअर्काले गरेको सुरुवातमा निजीक्षेत्र होस्टेमा हैंसे गर्नुपर्छ । सरकार एक्लैले यो काम गर्न सक्दैन । यसका लागि निजीक्षेत्र, मिडिया र सबै सरोकारवाला निकायले साथ दिनुपर्छ, प्रवद्र्धन गर्नुपर्छ । अन्तर्राष्ट्रिय स्तरमा भिजिबिलिटि पुग्नेगरी यस्ता किसिमको कार्यक्रम आयोजना गरे नेपाल संसारमा चिनिन्छ । यो हाम्रो दायित्व हो ।
 

Nepal Investment bank
Nepal Investment bank
सोमबार, असोज १३, २०७६ मा प्रकाशित
TATA Landing
TATA Landing
प्रतिक्रिया दिनुहोस्