site stats
बाह्रखरी :: Baahrakhari
राजनीति
Nabil BankNabil Bank
Sarbottam CementSarbottam Cement
प्रदेश–१ को नाम कोसी राख्न एमाले–कांग्रेस–माओवादी एकमत
Ghorahi CementGhorahi Cement

विराटनगर । प्रदेश–१ को नाम कोसी राख्न प्रदेश–१ का प्रमुख दल एकमत भएका छन् । 

नेकपा एमाले, नेपाली कांग्रेस र नेकपा (माओवादी केन्द्र) कोसी प्रदेशमा एकमत भएका हुन् । नेकपा एमालेले कोसी प्रदेश नाम राख्न प्रस्ताव दर्ता गराएकोमा नेपाली कांग्रेसले समर्थन गरेको थियो । तर, माओवादी केन्द्रसमेत यो प्रस्तावमा समर्थक रहने भनिएपनि अन्तिममा नगएपछि कांग्रेसले समर्थन फिर्ता गराउन भन्दै निवेदन दर्ता गराएको छ  । 

कांग्रेस संसदीय दलका प्रमुख सचेतक भुपेन्द्र राईले आफूहरुले नामको विषयको प्रस्तावमा समर्थन दिएपनि माओवादी नआएकोले फिर्ता गरिएको बताए । “हामी छलफलमा छौं, यस विषयमा कार्यव्यवस्था परामर्श समितिमा पनि छलफल हुन्छ । त्यसपछि प्रक्रियामा जान्छ,” उनले भने ।

Agni Group

प्रदेश–१ को नाम आज टुंगो लगाउने गरी एमालेले कोसी प्रस्ताव दर्ता गराएको थियो । एमालेका प्रदेशसभा सदस्य रामबहादुर मगरले प्रस्ताव दर्ता गराएका थिए । यसको समर्थकमा कांग्रेसका भूमिप्रसाद राजवंशी, एमालेका निरन राई र विदुरकुमार लिन्थेप छन् । 

संविधानको धारा २९५ को उपधारा २ तथा प्रदेश–१ को प्रदेशसभा (पहिलो संशोधन) नियमावली, २०७५ को परिच्छेद १०, नियम ५८ को उपनियम (ख) १ साग सम्बन्धित २९५ को उपधारा (२) बमोजिमको यस प्रदेशको नामकरण तपसिलमा उल्लेखित नाम कायम गरियोस् भन्ने प्रस्ताव दर्ता गराइएको हो । कांग्रेसको आज बसेको दलको बैठकले कोसी प्रस्तावलाई समर्थन गरी अघि बढ्ने निर्णय गरेको थियो ।

Global Ime bank

“प्रदेशले आफ्नो नामाकरण प्रदेशसभाबाट आफैले गर्नुपर्ने दायित्व पूरा गर्नका लागि यस प्रदेशमा विकसित भएका हिन्दु धर्म, बौद्ध धर्मको दर्शन, किरात सभ्यता, मिथिला सभ्यता, लिम्बुवान संस्कृति, बिराट क्षेत्रको इतिहास, कोच संस्कार र संस्कृति समेतलाई समेट्ने गरी तथा कोसी नदी र यसका शाखा नदीहरूमै ऐतिहासिक, धार्मिक तथा जातजाति, भाषा, सभ्यता र संस्कृतिको विकास भएकोले यस क्षेत्रको मूल आधारको रुपमा हिमालदेखि पहाड र तराईको भू–भागमा कोसी नदी प्रवाहको क्षेत्र भित्रै सम्पूर्ण अवस्थाको वर्तमान र भावी विकास र समृद्धि समेत जोडिएको हुनाले यस प्रदेशको नाम कोसी प्रदेश राख्न उपयुक्त ठानिएको छ” प्रस्तावमा उल्लेख छ । 

कोसीमा मतदान गर्ने ममाओवादीको निर्णय
यसैगरी संसदीय दलको बैठकबाट माओवादी केन्द्रले समेत कोसी प्रदेशका पक्षमा मतदान गर्ने निर्णय गरेको छ । माओवादी संसदीय दलको बैठक बसेर कोसीको पक्षमा मतदान गर्ने निर्णय गरेको सांसद गणेश उप्रेतीले जानकारी दिएका छन् । “हाम्रो दलको बैठकले कोसीमै मतदान गर्ने निर्णय गरेको छ,” उनले भने । प्रदेशसभामा माओवादी केन्द्रका १३ सांसद छन् । 

किराँत– लिम्बुवान –सगरमाथा नाम दर्ता 
विराटनगर । नेकपा (एकीकृत समाजवादी) र जसपाले प्रदेश–१ को अलग नामको प्रस्ताव दर्ता गराएका छन् ।समाजवादी र जसपाले प्रदेशसभा सचिवालयमा किराँत– लिम्बुवान–सगरमाथा नाम प्रस्ताव दर्ता गराएका हो । यसको प्रस्तावकमा राजेन्द्रकुमार राई र समर्थकमा निर्मला साँवा लिम्बू रहेका छन् । 

पहिचानको आधारमा नाम रहनुपर्ने भन्ने आफूहरुको स्पष्ट कुरा रहेकोले अलग प्रस्ताव दर्ता गराएको बताए । प्रदेशको नाम आजै टुंगो लगाएर जाने तयारी रहेको कांग्रेस संसदीय दलका नेता उद्धव थापाले बताए ।


 

NIBLNIBL
प्रकाशित मिति: बुधबार, फागुन १७, २०७९  १३:५६
Sipradi LandingSipradi Landing
worldlinkworldlink
प्रतिक्रिया दिनुहोस्
Ncell Side Bar LatestNcell Side Bar Latest
Bhatbhateni IslandBhatbhateni Island
Kumari BankKumari Bank
Shivam Cement DetailShivam Cement Detail
Maruti cementMaruti cement
सम्पादकीय
ICACICAC