site stats
विदेश
इक्वेडरको अस्पतालमा बन्दुकधारीहरू छिरेर एक किशोरको हत्या प्रयास

क्विटो । इक्वेडरको एउटा अस्पतालमा प्रवेश गरी त्यहाँ उपचार गराइरहेका एक किशोरको ज्यान लिन खोज्ने सातजना बन्दुकधारी पुरुषलाई प्रहरीले पक्राउ गरेको छ । प्रहरीको नियन्त्रणमा आउनु अघि उनीहरूले नर्सहरूलाई बन्धक बनाएका थिए । र, प्रहरीसँग गोली हानाहान गरेका थिए । 

सरकारी अधिकारीहरूले सम्पूर्ण बन्धकलाई मुक्त गराइएको र उनीहरूमध्ये कोही पनि घाइते नभएको बताएका छन् । आक्रमणको तारो बनाइएका १७ वर्षीय ‘डर्टी फेस’ नामक किशोर विपक्षी ग्याङका सदस्य हुनुपर्ने अनुमान गरिएको छ । 

NMB Bank
Dabur nepal
Agani Group

अस्पतालको सघन कक्षमा उनको गोली लागेको चोटको उपचार हुँदै थियो । ती बन्दुकधारीले एक घन्टाभन्दा लामो समयसम्म अस्पतालका पाँच कर्मचारीलाई बन्धक बनाएको अर्का एक कर्मचारीले स्थानीय अखबार इल डियारियोलाई जानकारी दिएका छन् । 

सामाजिक सञ्जालमा भाइरल भइरहेको एउटा भिडियोमा आँखा मात्र देखिनेगरी टोपीले अनुहार छोपेका बन्दुकधारीहरूले अस्पतालको एउटा ढोकाबाट एकजना चिच्याइ रहेकी महिलालाई घचेट्दै गरेको र एकै छिनपछि उनलाई पुनः भवनभित्र घिसारेर लगेको देखिन्छ ।

Global bank

पश्चिमी इक्वेडरको चोने सहरस्थित सो अस्पतालका अन्य कर्मचारीहरूले किशोरीको खोजीमा ती बन्दुकधारीहरू ढोका फोरेर भित्र पस्दा आफूहरू कोठामा ढोका थुनेर बसेको बताएका छन् । 
पछिल्ला केही वर्षयता इक्वेडरमा आपराधिक समूहका कारण हिंसा बढिरहेको छ । बीबीसीबाट 
 

प्रकाशित मिति: सोमबार, मंसिर १२, २०७९  २२:०४
प्रतिक्रिया दिनुहोस्
सम्पादकीय
मन्त्रीहरूको 'तमासा' रोक
मन्त्रीहरूको 'तमासा' रोक