देश
अफ्रिकन स्वाइन फिभरले सुनसरीमा मरे ३६ बंगुर
इनरुवा । सुनसरीको बराहक्षेत्र नगरपालिकामा अफ्रिकन स्वाइन फिभरको संक्रमणका कारण ३६ बंगुर मरेका छन् ।
स्थानीयले व्यावसायिक रूपमा पालेका बंगुरमा अफ्रिकन स्वाइन फिभरको संक्रमण देखिएको भेटेरिनरी अस्पताल तथा पशुसेवा विज्ञ केन्द्र इनरुवाका प्रमुख डा. मनोजकुमार महतोले जानकारी दिए ।
बराहक्षेत्र–१ मा रहेको दियाली कृषि फार्ममा २० वटा बंगुरमा संक्रमण देखिएको छ भने १७ वटा मरेका छन् । बराह बंगुर फार्ममा १५ वटामा संक्रमण देखिएको छ भने सात बंगुर मरेका छन् ।
उनका अनुसार स्थानीय सुवास श्रेष्ठले पालेका बंगुरफार्ममा २२ वटामा संक्रमण देखिएको छ भने १२ वटा मरेका छन् ।
बराहक्षेत्रमा मात्र अहिलेसम्ममा उक्त फिभरले ३६ बंगुर मरेका छन् । ५७ वटामा अझै संक्रमण रहेको डा. महतोले बताए ।
यसअघि सुनसरीको दुहबी, रामधुनी र धरानमा संक्रमण देखिएको थियो । रासस
प्रकाशित मिति: मंगलबार, जेठ ६, २०८२ ०५:५१
प्रतिक्रिया दिनुहोस्
सम्बन्धित समाचार
सिफारिस
प्रवास
कार्टुन
भिडियो
-1747106471.jpg)
विचार
अन्तर्वार्ता
-1745727458.jpg)
ब्लग
-1718633678.jpg)
