काठमाडौं । पाकिस्तानको सरकारी मिडिया पीटीभीले पाकिस्तानले हालससम्म ७७ वटा भारतीय ड्रोन खसालेको दाबी गरेको छ ।

भारतले बुधबार राति पाकिस्तानमाथि हवाई आक्रमण गरेयता हालसम्म उक्त संख्यामा ड्रोन खसालेको दाबी गरिएको हो ।

“मे ८ को साँझसम्म पाकिस्तानले २९ भारतीय ड्रोन खसालेको थियो भने हिजो रातियता थप ४८ ड्रोन नष्ट गरिएको थियो,” पीटीभीले सुरक्षा स्रोतहरूलाई उद्धृत गर्दै भनेको छ ।

भारतीय आक्रमणको ‘उपयुक्त जवाफ’ पाकिस्तानले दिइरहेको उक्त मिडियाले जनाएको छ ।