काठमाडौं । नेपाल राष्ट्र बैंकको कार्यकारी निर्देशकबाट राजीनामा दिएका डा. गुणाकर भट्टविरुद्धको रिट आइतबार (वैशाख) सर्वोच्च अदालतका न्यायाधीश हरिप्रसाद फुयाल र नित्यानन्द पाण्डेको इजलासमा परेको छ । गभर्नर बन्ने चर्चाकै भरमा डा. भट्टलाई समेत विपक्षी बनाएर अधिवक्ता विशाल थापासहितले पूरक निवेदन दिएका थिए ।

सरकारले संशोधन गरेको गभर्नर नियुक्ति मापदण्डविरुद्ध पनि उनले रिट दायर गरेका थिए । यसअघि नै अन्तरिम आदेश प्रयोजनका निम्ति आजको पेसी तोकिएको थियो । पूरक निवेदन पनि सँगै पेसी चढेको हो ।

न्यायाधीशद्वय फुयाल र पाण्डेको इजलासमा आइतबार ३८ मुद्दा छन् । भट्टलाई समेत विपक्षी बनाइएको मुद्दा ३७औँ नम्बरमा छ । यसकारण उक्त मुद्दाको पालो आउने सम्भावना न्यून छ ।