काठमाडौं । नेपाल समाजवादी पार्टी (नयाँशक्ति)का अध्यक्ष डा.बाबुराम भट्टराईले दलहरूबीचको सहकार्यबाटै संघीय लोकतान्त्रिक गणतन्त्रको रक्षा गर्न सकिने बताएका छन् । 

बुधबार काठमाडौंमा आयोजित एक कार्यक्रममा भट्टराईले एकले अर्कालाई निषेध गर्नुभन्दा सहकार्य गरेर अघि बढ्न सके संघीय लोकतान्त्रिक गणतन्त्रको रक्षा गर्न सकिने बताएका हुन् । 

राजनीति बाङ्गोटिङ्गो हुँदै अघि बढ्ने भए पनि लोकतन्त्र नै प्रमुख कुरा भएकोमा उनको जोड छ । 

भट्टराईले अहिले विभिन्न ढंगले प्रतिगामीहरू सल्वलाउँदै विभाजन ल्याउन खोजेको भन्दै सजक हुनुपर्नेमा जोड दिए । उनले अहिलेको जटिल भूराजनीतिक अवस्थामा संकिर्ण गुटगत र दलगत चिन्तनभन्दा माथि उठेर राष्ट्रिय हितलाई प्राथमिकतामा राख्नसक्नु पर्ने बताए । 

उनले संघीय लोकतान्त्रिक गणतन्त्र आएपछि कांग्रेस र कम्युनिष्ट रूखका दुईवटा हाँगा हुन् भन्ने आफ्नो मान्यता रहेको बताए ।