काठमाडौं । नेपाली कांग्रेसका सभापति शेरबहादुर देउवाले विज्ञान तथा सूचना प्रविधि विभागमा १० जना सदस्य मनोनयन गरेका छन् । 

सभापति देउवाले कांग्रेसको विधान, २०१७ (संशोधन सहित)को धारा २५ (९) बमोजिम उनीहरूको मनोनयन गरेको मुख्य सचिव कृष्णप्रसाद पौडेलले जानकारी दिएका छन् । 

सो विभागको प्रमुखमा केन्द्रीय सदस्य सुशिला मिश्र भट्ट छिन् । मनोनयन भएका सदस्यहरूमा ई. उज्ज्वल कोइराला (ताप्लेजुङ), ई. प्रेमचन्द्र राय (महोत्तरी), विजया श्रेष्ठ केसी (ललितपुर), प्रा. मोहनजंग शाह, (बाँके), डा. निरञ्जन कोइराला (कास्की) छन् । 

त्यसैगरी, कुमार लामिछाने (बर्दिया), रमा केसी (सुर्खेत), प्रेमलाल चौधरी (कैलाली), शेरबहादुर सार्की (बाजुरा) र दिलीप कार्की (कञ्चनपुर) पनि विभागको ुदस्य मनोनीत भएका छन् ।