पोखरा । पोखराको पृथ्वीनारायण (पीएन) क्याम्पसमा स्वतन्त्र विद्यार्थी युनियन (स्ववियु) निर्वाचनअन्तर्गत भएको मतदानपछि सर्वदलीय बैठक बसिएको छ । सर्वदलीय बैठकले मतगणना सोमबार (भोलि) बिहान ८ बजेबाट क्याम्पसमा सुरू हुने निर्णय गरेको छ ।

आइतबार बिहान ८ बजेदेखि अपराह्न ४ बजेसम्म मतदान भएको थियो । निर्वाचनमा ३१ प्रतिशत मत खसेको छ । देशकै बढी विद्यार्थी भएको क्याम्पसमा जम्मा दुईहजार ८९७ मत खसेको हो । निर्वाचनमा ६९ प्रतिशत विद्यार्थीले मत हालेनन् । यहाँ कुल नौ हजार २७० मतदाता थिए ।