काठमाडौं । सुत्केरी महिलाले आफ्नो दूध दान पनि गर्न सक्छिन् । आफ्नो शिशुलाई पर्याप्त मात्रामा दूध पुग्ने महिलाले दान गर्न सक्ने राष्ट्रिय स्वास्थ्य शिक्षा, सूचना तथा सञ्चार केन्द्रले जनाएको छ ।

“आफ्नो शिशुलाई पर्याप्त मात्रामा दूध पुग्ने आमाहरूले बढी भएको दूध दान गर्न सक्छिन्,” केन्द्रले भनेको छ ।

• कस्तो अवस्थाका नवजात शिशुलाई दातृआमाको दूध खुवाउने ?

आफ्नो शिशुलाई खुवाएर बढी भएको दूध दान गर्न केन्द्रले आग्रह पनि गरेको छ । “आफ्नो शिशुलाई खुवाएर बढी भएको दूध दान गरी नवजात शिशुलाई बचाउनुहोस् र पुण्य कमाउनुहोस्,” केन्द्रले भनेको छ । 

जति बढी नवजात शिशुलाई खुवायो वा दान गर्‍यो उत्तिकै मात्रामा दूधको उत्पादन बढ्ने केन्द्रले जनाएको छ ।