काठमाडौं । सामसङ नेपालले गर्मी मौसमलाई लक्षित गर्दै नयाँ, स्मार्ट र स्टाइलिस बिस्पोक एआई डबल डोर रेफ्रिजेरेटर सार्वजनिक गरेको छ । बिस्पोक एआई रेफ्रिजेरेटरले अत्याधुनिक कुलिङ प्रविधि, स्मार्ट उर्जासञ्चय र स्टाइलिस डिजाइनसहित गर्मीयामलाई सहज बनाउने सामसङले जनाएको छ ।

बिस्पोकको रेफ्रिजेरेटरमा एआई एनेर्जी मोड, स्मार्टठिंगस् कनेक्सन, कन्भर्टएबल ५–इन–१ मोडर ट्वीन कुलिङ प्लस जस्ता एडभान्स फिचर छन् ।

एआई एनेर्जी मोडले स्मार्ट एल्गोरिदमको प्रयोग गरिएको हुँदा ऊर्जा खपतलाई अनुकूल बनाउने कम्पनीले जनाएको छ । यसले युजेज प्याटर्नअनुसार समायोजन गर्दै शत प्रतिशतसम्म ऊर्जाको बचत गर्न मद्दत गरी खर्च घटाउने र दिगो जीवनशैलीमा योगदान पुर्‍याउने कम्पनीले जनाएको छ ।

कन्भर्टएबल ५–इन–१ मोडहरुले जस्तो पनि घरको आवश्यकताहरू पूरा गर्न अनुकूल रहने अप्रतिम सुविधा प्रदान गर्छ ।

नर्मल, सिजनल, एक्स्ट्रा फ्रिज, भेकेसन र होम अलोन गरी आवश्यकताअनुसार प्रयोग गर्न मिल्ने पाँच भिन्न मोडहरू भएको यो रेफ्रिजेरेटरले ऊर्जा बचत र अधिकतम उपयोगिता सुनिश्चित गर्नै कम्पनीले जनाएको छ ।

ट्वीन कुलिङ प्लस प्रविधिले रेफ्रिजेरेटर र फ्रिजरका लागि अलग–अलग कुलिङ सिस्टम प्रयोग गर्छ, जसले आद्र्रता कायम राख्दै गन्धहरू मिसिनबाट रोक्छ । यसले ७० प्रतिशतसम्म आद्र्रता कायम राख्न मद्दत गर्ने भएकाले गर्मीको समयमा पनि फ्रिजमा स्टोर गरिएको फलफूल र तरकारीहरू लामो समयसम्म ताजा रहने सामसङले बताएको छ ।

एआई एनेर्जी मोडले युजेज प्याटर्नको विश्लेषण गरी कम्प्रेसरको कार्यसम्पादनलाई अनुकूल बनाउँदै र ऊर्जा खपत घटाउँदै स्मार्ट कुलिङलाई नयाँ उचाइमा ल्याउँछ ।

नयाँ बिस्पोक एआई रेफ्रिजेरेटर ३९६ लिटर र ४१९ लिटर क्यापासिटीका दुई भेरियन्टमा उपलब्ध छन् । एक लाख १२ हजार ९९० रुपैयाँ मूल्य रहेको रेफ्रिजेरेटर छुटसहित एक लाख एक हजार रुपैयाँमा उपलब्ध छ ।

सामसङको नयाँ रेफ्रिजरेटर डाउन पेमेन्टपछि शून्य प्रतिशत ब्याजदरको किस्ताबन्दीमा पनि खरिद गर्न सकिन्छ ।