काठमाडौं । तेलंगानाका मुख्यमन्त्री रेवन्त रेड्डीले सुरुङमा फसेका मानिसहरूबारे प्रतिक्रिया दिएका छन् । 

तेलंगानाको श्रीशैलम बायाँ किनार नहरको छानाको एक भाग फेब्रुअरी २२ मा भत्किएको थियो । उक्त दुर्घटनामा आठजना फसेका थिए । राज्यका मुख्यमन्त्री रेवन्त रेड्डीले यी व्यक्तिहरूको बारेमा बोलेका छन् । 

समाचार एजेन्सी पीटीआईका अनुसार उनले भने, “एसएलबीसी सुरुङमा फसेका मानिसहरूको स्थान अझै पत्ता लागेको छैन ।”

रेड्डीले तेलंगना सरकार एसएलबीसी सुरुङ दुर्घटनाको समस्या समाधान गर्न प्रतिबद्ध रहेको र आवश्यक परे उद्धारमा रोबोट प्रयोग गर्न तयार रहेको बताएका छन् । 

फेब्रुअरी २२ मा श्रीशैलम बायाँ किनार नहर वा एसएलबीसी सुरुङको छानाको एक भाग भत्किँदा आठजना फसेका थिए । फसेका व्यक्तिहरूको उद्धार कार्य जारी छ ।

तेलंगाना राज्य सरकारका मन्त्रीले भने, “निर्माणाधीन एसएलबीसी सुरुङमा कोही पनि बाँच्ने सम्भावना छैन ।” बीबीसी