काठमाडौं । नेपाल प्रहरीले सामुदायिक वनमा आगो लगाउने दुई व्यक्तिलाई पक्राउ गरेको छ । गत माघ २९ गते बिहान ११ः३० बजे पर्वतको कुश्मा–१४को बगालथोकस्थित ठूलढुंगा सामुदायिक वनमा आगलागी भएको घटनामा खोजतलासीका क्रममा दुई व्यक्ति पक्राउ परेका हुन् । 

पक्राउ पर्नेमा सोही स्थानका २६ वर्षीय सुवास पौडेल र ३१ वर्षीय रमेश पौडेल छन् । उनीहरूलाई माघ २९ गते दिउँसो २ बजेको समयमा पक्राउ गरी माघ ३० गते आवश्यक कारबाहीका निम्ति डिभिजन वन कार्यालय पर्वत पठाइएको प्रहरी निरीक्षक सुमित श्रेष्ठले जानकारी दिए ।

कसैले वन जंगलमा आगलागी गराएको थाहा पाएमा तुरुन्त नजिकको प्रहरी कार्यालयमा वा १०० मा सम्पर्क गर्न प्रहरीले आग्रह गरेको छ ।